Հյուրերի տուն

Եվրոպական ժամանակակից պահանջներին համապատասխան կահավորված հյուրատանը (19 սենյակ, կոնֆերանս դահլիճ, ճաշարան) հյուրընկալվելու հնարավորություն ունեն ինչպես ԵՊՀ այցելած գիտության, կրթության ու մշակույթի անվանի գործիչներ, այնպես էլ պատվավոր հյուրեր, հնարավորության սահմաններում՝ արտասահմանցի զբոսաշրջիկներ:

Հյուրատան լիարժեք կահավորված կոնֆերանս-սրահը հարմար է տարաբնույթ միջոցառումների կազմակերպման համար: Ընդարձակ սրահում, որը հագեցած է անհրաժեշտ տեխնիկական սարքավորումներով, հնարավոր է պատշաճ մակարդակով անցկացնել գիտաժողովներ, սեմինարներ, վերապատրաստման դասընթացներ, համաժողովներ և այլն: ԵՊՀ հյուրերի տան բոլոր համարներն ապահովված են ջեռուցմամբ, տաք ջրամատակարարմամբ, օդորակիչներով, անվճար ինտերնետով, սանհանգույցներով և ավտոմատ հակահրդեհային ահազանգման համակարգով: