1. Ընդհանրական կարողություններ
Դասավանդման/մանկավարժական
· դասընթացի աշխատանքային ծրագիր (օրացուցային պլան) կազմելու հմտություն,
· դասավանդման ինտերակտիվ մեթոդների իմացություն, ակտիվ ուսուցման տեխնիկաների կիրառման կարողություն:
Հետազոտական
· տարաբնույթ գիտական աղբյուրների հետ աշխատելու, ինչպես նաև համացանցային տեղեկատվական ռեսուրսներից օգտվելու հմտություն,
· բուսաբանական և սնկաբանական տարբեր ոլորտներում ժամանակակից հետազոտությունների իրականացման հմտություն,
· ուսանողների գիտահետազոտական խումբ ղեկավարելու կարողություն:
Հաղորդակցման
· լսարանի հետ բանավոր հաղորդակցվելու հմտություն,
· հետազոտության արդյունքները գրավոր շարադրելու կարողություն,
· օտար լեզվի իմացություն ակադեմիական մակարդակով։
ՏՀՏ կիրառություն
· համակարգչային (MS Office փաթեթի ազատ տիրապետում՝ Word, Excel, Power-Point) հմտություններ,
· ժամանակակից սոցիալական հարթակներից օգտվելու հմտություն,
· լուսացուցադրություններ պատրաստելու և ներկայացնելու հմտություններ:
Այլ կարողություններ
· դասընթացներ կազմելու, կրթական վերջնարդյունքներ սահմանելու, դասավանդման և գնահատման եղանակներ ճիշտ ընտրելու գիտելիքներ,
· դասընթացի նյութերը արդյունավետ կազմելու կարողություն (դասընթացներ, տեղեկագրեր, ձեռնարկներ և այլն), ուսանողների հետաքրքրությունն ու ներգրավվածությունը ապահովելու ունակություն,
· ժամանակի պլանավորման և կառավարման կարողություն:
2. Մասնագիտական կարողությունները և գիտելիքները ըստ ոլորտների
· ՀՀ կենսաբազամազնության և դրա պահպանության հիմնախնդիրների վերաբերյալ մասնագիտական գիտելիքներ,
· բույսի պաթոլոգիական պրոցեսի առանձնահատկությունների, սնկային հիվանդության ախտանիշների վերաբերյալ մասնագիտական գիտելիքներ,
· սնկային և բուսական օրգանիզմների բջջագենետիկական հիմնարար հետազոտությունների մեթոդների վերաբերյալ մասնագիտական գիտելիքներ,
· Հայաստանում տարածված դեղաբույսերի ճանաչման, որոշման և մարդու կյանքում դրանց նշանակության վերաբերյալ մասնագիտական գիտելիքներ,
· մակրոսկոպիկ և միկրոսկոպիկ սնկերի արհեստական աճեցման պատմության և աշխարհում զարգացման, ինչպես նաև սնկաբուծության կիրառական նշանակության վերաբերյալ մասնագիտական գիտելիքներ,
· օգտակար բույսերի սիստեմատիկական դիրքի, մորֆոկենսաբանական և էկոլոգիական առանձնահատկությունների վերաբերյալ մասնագիտական գիտելիքներ,
· մարդկանց և կենդանիների սնկային հիվանդությունների ախտորոշման մեթոդների և այդ հիվանդությունների դեմ պայքարի և բուժման միջոցների վերաբերյալ մասնագիտական գիտելիքներ,
· բուսաբանական այգիների, արգելոցների, արգելավայրերի և կարմիր գրքերի դերը հազվագյուտ և անհետացող բույսերի պահպանման վերաբերյալ մասնագիտական գիտելիքներ,
· ջրիմուռների նույնականացման սկզբունքների և ջրիմուռների դերի, բնության մեջ և մարդու կյանքում նշանակության վերաբերյալ մասնագիտական գիտելիքներ,
· սնկերի/բույսերի կարգաբանության և ֆիլոգենիայում կիրառվող մոլեկուլային, գենետիկական և կենսաինֆորմատիկայի մեթոդների վերաբերյալ մասնագիտական գիտելիքներ,
· սննդամթերքի նմուշառման, փորձարկումների նախապատրաստման և կատարման, արդյունքների և արձանագրությունների ձևակերպման պահանջների և ընթացակարգերի վերաբերյալ մասնագիտական գիտելիքներ,
· կանաչ տնկարկների տեսակային բազմազանության անհրաժեշտության, գեղազարդ ծառերի, թփերի ու ծաղկաբույսերի տեսակների ճանաչման և որոշման վերաբերյալ մասնագիտական գիտելիքներ,
· ռոկարիումների ինքնուրյուն կառուցման և յուրաքանչյուրի համար բույսերը և քարերը ճիշտ ընտրման վերաբերյալ մասնագիտական գիտելիքներ,
· կենսավնասմանը ենթարկված արդյունաբերական հումքից, արտադրանքից միկոդեստրուկտորների անջատման և աճեցման մեթոդների վերաբերյալ մասնագիտական գիտելիքներ,
· կենսավնասում հարուցող սնկերի մորֆոլոգակուլտուրալ առանձնահատկությունների և դրանց իդենտիֆիկացիայի ենթարկելու վերաբերյալ մասնագիտական գիտելիքներ,
· Հայաստանում տարածված թունավոր բույսերի և սնկերի ճանաչման և որոշման, ինչպես նաև մարդու կյանքում դրանց նշանակության վերաբերյալ մասնագիտական գիտելիքներ:
3. Ընդհանուր պահանջներ
Գիտական աստիճան
· գիտական աստիճան և/կամ կոչում կենսաբանական գիտությունների ոլորտում, կամ որոշ դեպքերում՝ տվյալ կամ հարակից մասնագիտությամբ արտերկրյա բուհում ստացած մագիստրոսի կոչում,
· վերջին 5 տարում առնվազն 3 գիտական և/կամ մեթոդական հրատարակությունների առկայություն։
Մանկավարժական փորձ
· մասնագիտական դասընթացների դասավանդման կազմակերպման և իրականացման առնվազն 3 տարվա փորձ,
· վերջին 5 տարվա ընթացքում մասնակցություն տեղական կամ միջազգային վերապատրաստումների և/կամ մասնագիտական որակավորման բարձրացման դասընթացների:
Պրակտիկ աշխատանքի փորձ
· առնվազն 5 տարվա աշխատանքային փորձ բուսաբանության և սնկաբանության ոլորտում:
Այլ պահանջներ
· դասավանդման պորտֆոլիո՝ դասավանդվող առարկաների առնվազն 50%-ի առցանց նյութերի առկայություն,
ուսանողական հարցման արդյունքներով ստացված գնահատականների միջինը՝ առնվազն 4,0 (գործող դասախոսների համար)։