February 26, 2024 | 13:10
Partners
Education
International cooperation
The Dean of YSU Faculty of International Relations participates in conference held in India
On February 21-23, Associate Professor Tigran Yepremyan, Candidate of Historical Sciences, participated in the premier annual "Raisina Dialogue" conference on geopolitics and geoeconomics organized by the Ministry of External Affairs of India and the "Observer Research Foundation" in New Delhi, the capital of India.
Տիգրան Եփրեմյանը հյուրընկալվել է «Ռաիսինա գաղափարներ» վերլուծական հաղորդաշարին, մասնակցել պանելային քննարկման, որը նվիրված էր Եվրոպայի և Հարավային Կովկասի աշխարհաքաղաքական և անվտանգային հիմնախնդիրներին: Համաժողովի շրջանակում Տիգրան Եփրեմյանը մասնակցել է նաև «Հնդկաստան-Հայաստան երկխոսություն» միջոցառմանը:
Նա հանդիպել է «Դիտորդ հետազոտական հիմնադրամ»-ի՝ Հնդկաստանի առաջատար ուղեղային կենտրոնի ղեկավար կազմի, մասնավորապես՝ նախագահ, դոկտոր Սամիր Սարանի, Սանջոյ Ջոշիի և Կալկաթայի մասնաճյուղի տնօրեն, դոկտոր Նիլանջան Գոշի հետ։ Հանդիպմանը քննարկվել է ԵՊՀ միջազգային հարաբերությունների ֆակուլտետի հետ համագործակցության մի շարք ուղղություններ: Համաժողովի շրջանակում մի շարք հանդիպումներ են եղել Դելիի համալսարանի և Ջավահարլալ Ներուի համալսարանի պրոֆեսորների հետ:
Փետրվարի 22-ին դեկան Տիգրան Եփրեմյանն այցելել է Դելիի համալսարան, որտեղ հանդիպել է Դելիի համալսարանի միջազգային համագործակցության պրոռեկտոր, պրոֆեսոր Աշուտոշ Բհարդվաջի և պրոֆեսոր Պամելա Սինգլայի հետ:
Կողմերը քննարկել են ԵՊՀ-ի և Դելիի համալսարանի միջև համագործակցության հաստատման մի շարք հարցեր. այդ թվում՝ պրոֆեսորադասախոսական կազմի փոխայցելություններ և ուսանողների փոխանակման ծրագրեր, հայ-հնդկական հարաբերություններին նվիրված միջազգային գիտաժողովի կազմակերպում, ԵՊՀ-ում հնդկագիտության, իսկ Դելիի համալսարանում հայագիտական կրթական մոդուլների ստեղծման հնարավորություններ, մագիստրոսական թեզերի և ասպիրանտների ատենախոսությունների ղեկավարում և համաղեկավարում, ինչպես նաև դիտարկվել է կրկնակի դիպլոմով մագիստրոսական ծրագրի ստեղծման հեռանկարը:
Կարևորելով հայ-հնդկական հարաբերությունների հարուստ պատմությունը և ներկա հարաբերությունների դինամիկ զարգացումը՝ դեկանն առաջարկել է խթանել նաև հայ-հնդկական ակադեմիական հարաբերությունները: Կողմերն ընդգծել են, որ երկու համալսարանների միջև ինստիտուցիոնալ համագործակցությունը ենթադրում է նաև փոխըմբռնման հուշագրի ստորագրում և պայմանավորվել են շարունակել քննարկումներն այդ ուղղությամբ:
