March 01, 2024 | 11:36
International cooperation
YSU professor named one of the best participants in international program
This year on the occasion of the 50th anniversary of the founding of the "American Councils for International Education" organization, a reference is made to the best 50 graduates of the programs implemented by the organization in different countries. Among them was the Head of the International Cooperation Office at YSU, Alexander Margarov.
ԱՄՆ կառավարությունը «Միջազգային կրթության ամերիկյան խորհուրդներ» կազմակերպության («Ամերիկյան խորհուրդներ») միջոցով, ԱՄՆ պետքարտուղարության կրթական և մշակութային գործերի բաժնի հովանավորությամբ 2001-2012 թթ․ իրականացրել է «Երիտասարդ դասախոսների վերապատրաստման ծրագիրը» («Junior Faculty Development Program/JFDP»):
Դոկտոր, պրոֆեսոր Ալեքսանդր Մարգարովը 2001-2002 թվականներին մասնակցել է այդ ծրագրին և ԱՄՆ-ում գտնվելու ընթացքում համագործակցել Այովայի համալսարանի պրոֆեսոր Ուիլյամ Ռայզինգերի հետ՝ նպատակ ունենալով լավարկելու իր ակադեմիական դասընթացների որակը ԵՊՀ-ում:
Նա կատարել է արժեքավոր հետազոտություններ, համագործակցել Համեմատական օրենսդրության հետազոտական կենտրոնի հետ, մշակել համապարփակ մատենագիտություն անցումային քաղաքականության և ռեժիմի փոխակերպման վերաբերյալ:
Նրա մշակած մեթոդաբանությունը մինչ օրս լայն կիրառություն ունի գիտական հանրության շրջանակում:
Ալեքսանդր Մարգարովը մեծապես նպաստել է ԵՊՀ-ում Ամերիկյան հետազոտությունների կենտրոնի հիմնադրմանը և ստեղծել ԵՊՀ հանրային կառավարման ծրագիրը՝ Արիզոնայի և Երևանի պետական համալսարանների կրթական համագործակցության շրջանակում:
2008 թվականին նա նշանակվել է Հանրային կառավարման վարչության պետի առաջին ժամանակավոր պաշտոնակատար։
Ըստ Ալեքսանդր Մարգարովի՝ «Երիտասարդ դասախոսների վերապատրաստման ծրագիրը» մեծ դերակատարում է ունեցել իր մասնագիտական աճի գործում և նպաստել է Ամերիկայի Միացյալ Նահանգների մասին համապարփակ գիտելիք ձեռք բերելուն:
