July 18, 2024 | 14:51
Science
Partners
Education
YSU hosts ICPC Foundation delegation
The Armenian government has submitted an application to host the world finals of the International Collegiate Programming Contest (ICPC). Today, YSU Rector Hovhannes Hovhannisyan received the delegation led by ICPC Foundation Head Bill Poucher, assuring them that YSU is prepared to invest the necessary funds and resources to organize the prestigious event to the highest standard.
![](/sites/default/files/styles/large_slide/public/2024-07/ysu00866.jpg?h=790be497&itok=7PdLvODs)
«ICPC» մրցույթը ամենահեղինակավոր թիմային ծրագրավորման մրցույթն է աշխարհում։ ԵՊՀ թիմերն այս օլիմպիադային մասնակցում են դեռևս 2001 թվականից և տարեցտարի գրանցում ավելի լավ արդյունքներ։
![](/sites/default/files/styles/large_half_text/public/2024-07/jjjjj.jpg?itok=aUGfq7lC)
ԵՊՀ ռեկտոր Հովհաննես Հովհաննիսյանը հանդիպման ժամանակ փաստեց, որ համալսարանը մեծապես կարևորում է ծրագրավորման և տեղեկատվական տեխնոլոգիաների զարգացումը և ստեղծում համապատասխան պայմաններ ուսանողների և հետազոտողների համար․ ««ICPC» մրցույթը կրթական, գիտական և տեխնոլոգիական առաջընթացին նպաստող կարևոր միջոցառում է, և մենք պատրաստ ենք ներդնելու անհրաժեշտ միջոցներն ու ռեսուրսները, որպեսզի հեղինակավոր այս միջոցառումը կազմակերպվի լավագույնս։ Վստահ ենք, որ օլիմպիադայի կազմակերպումը Հայաստանում կխթանի ծրագրավորման և տեղեկատվական տեխնոլոգիաների զարգացումը մեր երկրում և տարածաշրջանում, ինչպես նաև կխորացնի համագործակցությունը միջազգային հանրության հետ»:
![](/sites/default/files/styles/large_half_text/public/2024-07/ysu00869.jpg?itok=bQ0IusUO)
«ICPC» հիմնադրամի նախագահ Բիլ Փաուչերը նշեց, որ միջազգային օլիմպիադան եզակի հնարավորություն է երիտասարդ ծրագրավորողների համար՝ ցուցադրելու իրենց կարողությունները, ձեռք բերելու նոր գիտելիքներ և հմտություններ, ինչպես նաև գաղափարներ փոխանակելու տարբեր երկրների երիտասարդների հետ:
ԵՊՀ պրոֆեսոր, մրցույթի հայաստանյան տարածաշրջանի տնօրեն Վահրամ Դումանյանն էլ փաստեց, որ այս մրցույթը բնագավառի միջազգային ամենաբարձր հարթակն է․ «Այսպիսի միջոցառումները կարևոր են ոչ միայն անհատական զարգացման, այլև համաշխարհային գիտական և տեխնոլոգիական համագործակցության համար: Հայաստանի և ԵՊՀ-ի համար այսպիսի միջոցառումների կազմակերպումը մեծ քայլ է դեպի միջազգային հանրության ինտեգրում»: