ԴԱՎԻԹ ԲԱԲԱՅԱՆԸ՝ ԵՊՀ-ՈՒՄ

Նախարարն անդրադարձել է ղարաբաղյան հակամարտության կարգավորմանը, տարածաշրջանային զարգացումներին, Արցախի արտաքին քաղաքականությանը ներհայկական կապերին և այլ հարցերի:

Բաբայանը կարևորել է պատերազմից հետո ինքնակազմակերպվելու մարտահրավերներին համախմբված դիմագրավելու անհրաժեշտությունը՝ առանձնացնելով հատկապես գիտական ներուժի դերը պետության ռազմավարական ոլորտներում:

ԱԳ նախարարն ընդգծել է Հայաստանի ու Արցախի միջև գիտական փոխգործակցության ակտիվացման անհարժեշտությունը, պատասխանել է ուսանողներին հետաքրքրող հարցերի: Նա երախտագիտություն է հայտնել ֆակուլտետի ղեկավարությանը` միջոցառումը կազմակերպելու համար, բարձր գնահատել վերջիններիս՝ Արցախի զարգացմանն ուղղված հայրենանվեր ջանքերը և նշանակալի ավանդը երիտասարդների դաստիարակման գործում:

Հանդիպմանը մասնակցել են ՀՀ-ում Արցախի մշտական ներկայացուցիչ Սերգեյ Ղազարյանը, պաշտոնատար այլ անձինք։