Strengthening of inter-university ties: YSU hosted associate professor from Mazandaran University

At the YSU Faculty of Oriental Studies, a meeting was held with Mostafa Rostami, Associate Professor at the Faculty of Handicrafts and Art Studies, Mazandaran University (Islamic Republic of Iran).

Հանդիպման շրջանակում Մ․ Ռոսթամին ներկայացրեց «Ծիսակատարությունների համընդհանուր ժառանգության ազդեցությունը իրանական և հայկական մշակույթների վրա» թեմայով զեկուցում, որի նպատակն էր ցույց տալ Հայաստանի և Իրանի միջև գոյություն ունեցող մշակութային կապերը: Հրավիրյալ դասախոս Մոսթաֆա Ռոսթամին նշեց, որ ուսումնասիրել է երկու երկրների մշակութային և պատմական հարաբերությունները և պարզել միջմշակութային ընդհանրություններն ու ազդեցությունները:

«Հայաստանում շատ ծեսեր ընդհանրություններ ունեն իրանականի հետ, որոնք գոյություն են ունեցել պատմության ընթացքում։ Ժամանակագրական առումով որոշ ծեսեր, որոնք կատարվում են Հայաստանում, կատարվում են նաև Իրանում: Հետաքրքիրն այն է, որ այս համընդհանուր ժառանգության արմատը գալիս է միթրայականությունից, արիական ժողովրդից, որոնք ապրել են այս տարածաշրջանում»,- ասաց Մազանդարանի համալսարանի ձեռնարվեստի և արվեստի ուսումնասիրությունների ֆակուլտետի դոցենտը՝ որպես օրինակ մատնանշելով կրակի և ջրի խորհրդանիշների նմանությունները երկու երկրներում:

Մոսթաֆա Ռոսթամին դասախոսության ժամանակ բազմաթիվ օրինակներ բերեց՝ ցույց տալով, որ Իրանի ու Հայաստանի միջև մշակութային շփումները դարերի պատմություն ունեն՝ հաշվի առնելով նաև աշխարհագրական սերտ կապը:

ԵՊՀ իրանագիտության ամբիոնի վարիչ, պրոֆեսոր Վարդան Ոսկանյանը, անդրադառնալով Մազանդարանի համալսարանի հետ գործակցության նախապատմությանը, նշեց, որ նախկինում երկուստեք պայմանավորվածություն է եղել ԵՊՀ-ում մազանդարանագիտության լսարան բացելու, սակայն համավարակը խոչընդոտ է դարձել այդ ծրագրի իրականացման համար:

«Մենք հուսով ենք, որ ԻԻՀ Մազանդարանի համալսարանի հետ նորից կվերսկսենք այդ ուղությամբ մեր աշխատանքները»,- ընդգծեց Վ. Ոսկանյանը։

Նա նշեց, որ դասական իրանագիտության մեջ որպես կանոն ուսումնասիրվում են երկրի պատմությունը, մշակույթը, լեզուները, բարբառները, կրոնները և այլն: Կարևորելով ԵՊՀ-ում Մազանդարանի համալսարանի դոցենտի՝ մշակութային թեմայով դասախոսություն անցկացնելը և Հայաստանի ու Իրանի միջև մշակութային առնչությունները ցույց տալը՝ ամբիոնի վարիչ Վ․ Ոսկանյանը փաստեց․ «ԵՊՀ արևելագիտության ֆակուլտետի իրանագիտության ամբիոնը կամրջող օղակ է եվրոպական դասական իրանագիտության, ռուսական և իրանական իրանագիտության միջև»։

Նշենք, որ դասախոսությանը ներկա էին ԵՊՀ, ինչպես նաև Քեմբրիջի համալսարանի ուսանողներ, դասախոսներ: