ՃԳՆԱԺԱՄԱՅԻՆ ԻՐԱՎԻՃԱԿԸ ԵՎ ԴՐԱ ԼՈՒԾՄԱՆ ՈՒՂԻՆԵՐԸ ՝ ԵՊՀ ՀՈԳԵԲԱՆՆԵՐԻ ՈՒՍՈՒՄՆԱՍԻՐՈՒԹՅԱՆ ԿԵՆՏՐՈՆՈՒՄ

Նախագծի ղեկավար, ԵՊՀ ընդհանուր հոգեբանության ամբիոնի վարիչ Հրանտ Ավանեսյանի խոսքով, պետությունը բարդ սոցիալական, տնտեսական և հոգեբանական ճգնաժամից դուրս բերելու գործոններից կարող են լինել անձը, նրա ընդհանրական հոգեբանական կապիտալը և գիտակցված ինքնակառավարումը: Դրանց համախումբը ձևավորում է անձնային ներուժը։

Արտակարգ իրավիճակներից հետո թե՛ անհատական, թե՛ սոցիալական մակարդակում բացասական հետևանքներն ունեն երկարաժամկետ բնույթ: Գնահատելով երկրում տեղի ունեցող տեսանելի զարգացումները՝ իրականացվող աշխատանքը միտված է լուծելու ոչ միայն ճգնաժամի հաղթահարման առկա իրավիճակային և անհետաձգելի խնդիրները, այլև հետագայի համար մշակելու և իրագործելու գիտակիրառական լուծումներ։

Համալիր հետազոտության միջոցով բացահայտվելու են հայաստանյան ներկայիս իրավիճակում բնակչության անձնային ներուժի դրսևորումները պայմանավորող սոցիալ-հոգեբանական գործոնները, մշակվելու է դրա դրսևորմանը նպաստող ռազմավարություն։