ՈՒՍՈՒՄՆԱԿԱՆ ԳՈՐԾԸՆԹԱՑԸ ՇԱՐՈՒՆԱԿԵԼՈՒ ՆՊԱՏԱԿՈՎ ՄԻՋԱԶԳԱՅԻՆ ՀԱՐԱԲԵՐՈՒԹՅՈՒՆՆԵՐԻ ՖԱԿՈՒԼՏԵՏՆ ԻՐԱԿԱՆԱՑՆՈՒՄ Է ՀԵՌԱՎԱՐ ՈՒՍՈՒՑՈՒՄ
Հաշվի առնելով արտահերթ արձակուրդը` մարտի 3-ից ԵՊՀ միջազգային հարաբերությունների ֆակուլտետում «Moodle» համակարգի միջոցով իրականացվում է հեռավար դասավանդում:
![Distance-learning-at-the-faculty-of-International-Relations](/sites/default/files/styles/large_slide/public/migrated/images/GY0vnoWr6RfOGoHH5LoaBC0dYx.jpg?h=bccd1fa5&itok=hqh-anFh)
Մեզ հետ զրույցում Միջազգային հարաբերությունների ֆակուլտետի դեկան Գեղամ Պետրոսյանն ասաց, որ հեռավար դասավանդումը կազմակերպելու ուղղությամբ դեռևս մարտի 2-ից ֆակուլտետում իր հանձնարարությամբ աշխատանքներ են իրականացվել:
««Moodle» էլեկտրոնային ուսուցման համակարգը ֆակուլտետում ներդրվել և կիրառվում է 2018 թ․ հոկտեմբերից: Այժմ այն հնարավորություն է տալիս նաև լրացնելու բաց թողնված դասախոսությունները և հետ չմնալու ուսումնական գործընթացից»,-ասաց Գեղամ Պետրոսյանը։
Նրա փոխանցմամբ, «Moodle» էլեկտրոնային ուսուցման համակարգի օգնությամբ հարթակ մուտք գործող ուսանողն ամբողջական տեղեկատվություն է ստանում դասընթացի ընդհանուր նկարագրի մասին, տեղեկանում է առաջադրանքների կատարման համար սահմանված ժամկետներին, ինչպես նաև այն աղբյուրներին, որոնք անհրաժեշտ են տվյալ թեման յուրացնելու համար:
Քնար Միսակյան