Կիրառական վիճակագրություն և տվյալների գիտություն

Ծրագրի տևողությունը 2 տարի է։

Ծրագիրը ներդրվել է 2018 թ․ սեպտեմբերին ISTC հիմնադրամի հետ համագործակցության շրջանակում։

Ընդունելության պահանջները

Ընդունելությունն անցկացվում է գրավոր քննությամբ:

Ուսումնառության ընթացքը հաջողությամբ կազմակերպելու համար անհրաժեշտ նախապայման է՝ ունենալ նախնական գիտելիքներ գծային հանրահաշվից, մաթեմատիկական անալիզից, հավանականությունների տեսությունից և ծրագրավորման որևէ լեզվից:

Ծրագրի նպատակը

Ծրագրի նպատակն է ուսանողներին զինել տեսական ու կիրառական գիտելիքներով վիճակագրության ու տվյալների գիտության ոլորտների վերաբերյալ՝ հնարավորություն ընձեռելով ստանալու արդիական ու պահանջարկ ունեցող մասնագիտություն։

Առավելությունները

Ծրագրի շրջանակում շեշտադրվում են ինչպես տվյալագիտությունն ու ծրագրավորումը, այնպես էլ վիճակագրությունը: Այստեղ դասախոսում են երիտասարդ ու փորձառու մասնագետներ ակադեմիայից ու ինդուստրիայից, ուսումնառության ընթացքում իրականացվում են անհատական ու խմբային մի քանի նախագծեր։ Ծրագրի շրջանակում անցկացվում են մասնագիտական դասախոսություններ անգլերենով, դասախոսում և գիտական աշխատանքներ են ղեկավարում նաև մասնագետներ արտերկրից:

Կարիերայի հնարավորությունները

Ծրագիրը բարձր առաջադիմությամբ ավարտող շրջանավարտները կարող են աշխատել ինդուստրիայում որպես միջին մակարդակի (middle level) տվյալագետներ հետևյալ ուղղություններով՝ համակարգչային տեսողություն (Computer Vision), ձայնային ազդանշանների մշակում (Voice and Sound Signal Processing), տեքստի ու բնական լեզվի մշակում (Natural Language Processing), մեքենայական ուսուցման կիրառություններ բժշկության մեջ, շարունակել կրթությունը ասպիրանտուրայում, Հայաստանում և արտերկրում, զբաղվել գիտամանկավարժական գործունեությամբ՝ ստանալով նոր արդյունքներ, տպագրելով հոդվածներ, դասավանդելով բակալավրիատում ու կարճաժամկետ մասնագիտական ծրագրերում:

Կրթական ծրագրի շրջանավարտները հաջողությամբ աշխատում են հետևյալ ընկերություններում՝ Picsart, Krisp, Podcastle, VMWare, Service Titan, PMI Science, Ameriabank, Amaros, Biosim, WorldQuant, WebbFontaine, SuperAnnotate AI, Intent.ai, Plat.ai, Portmind, SmartClickAI և այլն, ինչպես նաև դասավանդում են ԵՊՀ-ում, ՀԱՀ-ում, կարճաժամկետ կրթական ծրագրերում։