Թվային անալիզի և մաթեմատիկական մոդելավորման ամբիոն

Թվային անալիզի և մաթեմատիկական մոդելավորման ամբիոն

Թվային անալիզի և մաթեմատիկական մոդելավորման ամբիոնը կազմավորվել է 2007 թ. ինֆորմատիկայի և կիրառական մաթեմատիկայի ֆակուլտետի կիրառական անալիզի և մաթեմատիկական մեթոդների և մոդելավորման ամբիոնների հիմքի վրա: Ամբիոնի գիտական ուղղությունների շրջանակը զգալիորեն պայմանավորված է հայ անվանի մաթեմատիկոս Ս․ Մերգելյանի գործունեությամբ։

Ամբիոնում աշխատում են հանրապետությունում ճանաչված և առաջատար մասնագետներ, որոնք հեղինակ են ուսումնամեթոդական ձեռնարկների, բուհական դասագրքերի, գիտական հոդվածների՝ տպագրված հեղինակավոր գիտական պարբերականներում։

2021 թվականից Թվային անալիզի և մաթեմատիկական մոդելավորման ամբիոնի վարիչն է ֆ.մ.գ.դ., պրոֆեսոր Հակոբ Հակոբյանը։

Ամբիոնի գիտական ուղղություններն են՝

  • հաշվողական մաթեմատիկա,
  • միջարկումների տեսություն,
  • ֆունկցիոնալ անալիզ,
  • օպտիմիզացիայի մեթոդներ,
  • մաթեմատիկական մոդելավորում,
  • դիֆերենցիալ հավասարումների տեսություն։

Ամբիոնն իրականացնում է «Թվային անալիզ և մաթեմատիկական մոդելավորում» մագիստրոսական ծրագիրը:

Հասցե` ՀՀ, ք. Երևան, 0025, Ալեք Մանուկյան 1 (+37460) 710000 info@ysu.am