Հաշվողական մեքենաների, համալիրների, համակարգերի և ցանցերի մաթեմատիկական և ծրագրային ապահովում

Ծրագիրն ընդգրկում է ընդհանուր և մասնագիտական դասընթացներ (պարտադիր և կամընտրական):

Ընդունելության պահանջները

Ընդունելության քննությունն անցկացվում է բանավոր։ Հարցաշարը տեղադրված է «Ընդունելություն» բաժնում:

Ծրագրի նպատակը

Ծրագրի նպատակն է նախապատրաստել գիտահետազոտական ոլորտում և արդյունաբերության մեջ ինֆորմացիոն տեխնոլոգիաների մասնագետներ:

Առավելությունները

Ծրագրի հաջող ավարտին շրջանավարտն ունակ կլինի օգտագործելու ժամանակակից ինֆորմացիոն տեխնոլոգիաները, ծրագրավորման լեզուները և համակարգերը կիրառական ոլորտի խնդիրների լուծման համար, մասնակցելու ժամանակակից ծրագրավորման համակարգերի ստեղծմանը, զարգացնելու տեսությունները, որոնց վրա հիմնված են ժամանակակից ինֆորմացիոն տեխնոլոգիաները և ծրագրավորման համակարգերը։

Պրակտիկան նախատեսվում է անցկացնել տեղեկատվական տեխնոլոգիաների ոլորտի առաջատար ընկերություններում` «Հայկական ծրագրեր», «Սինոփսիս» և այլն, ՀՀ ԳԱԱ ինֆորմատիկայի և ավտոմատացման պրոբլեմների ինստիտուտում, բանկային համակարգում:

Կարիերայի հնարավորությունները

Ծրագիրը հաջողությամբ ավարտած մագիստրոսները կարող են ուսումը շարունակել ասպիրանտուրայում: