Օպտիկա
Մագիստրոսական ծրագիր
Ծրագրի մասին
«Օպտիկա» մագիստրոսական կրթական ծրագիրը մասնագետներ է պատրաստում լազերային ֆիզիկայի, գծային և ոչ գծային օպտիկայի, լազերային սպեկտրոսկոպիայի, հեղուկ բյուրեղների օպտիկայի և հիդրոդինամիկայի, ինչպես նաև ֆոտոնիկայի (արտաքին դաշտերով ղեկավարվող սարքերի ստեղծման) բնագավառներում:
Ծրագրի նպատակը
Ծրագրի նպատակն է ուսանողներին տրամադրել հիմնարար գիտելիքներ տեսական և փորձարարական ինքնուրույն հետազոտություններ իրականացնելու, ինչպես նաև փորձարարական հմտություններ՝ կիրառական սարքերի նախագծման, մոդելավորման և օպտիմալ աշխատանքային ռեժիմի ստացման վերաբերյալ։
Առավելությունները
Ծրագրի շրջանավարտներն ունակ կլինեն կատարելու գիտահետազոտական, գիտամեթոդական, գիտամանկավարժական աշխատանքներ, ինչպես նաև շարունակելու ուսումն ասպիրանտուրայում:
Կարիերայի հնարավորությունները
«Օպտիկա» ծրագրի շրջանավարտները կարող են աշխատանքի անցնել ՀՀ և արտասահմանյան երկրների գիտահետազոտական ինստիտուտներում, կրթական համակարգերում, ինչպես նաև գիտաարտադրական ձեռնարկություններում, հիմնարար և կիրառական հետազոտություններ իրականացնող ինստիտուտներում (որպես փորձարարական հետազոտություններ կատարող գիտաշխատող (կրտսեր, ավագ, առաջատար և այլն), ֆիզիկական պրոցեսների մոդելավորման ոլորտում հետազոտություններ կատարող գիտաշխատող (կրտսեր, ավագ, առաջատար և այլն), փորձարարական հետազոտությունների արդյունքների մշակմամբ զբաղվող գիտաշխատող, վերլուծաբան, հետազոտական թեմատիկ ծրագրեր իրականացնող ստորաբաժանումների կամ խմբերի ղեկավար), այլ ոլորտի ձեռնարկություններում (օպտիմալ պարամետրերով արտադրական լազերների անխափան աշխատանքի ապահովման ճարտարագետ, շրջակա միջավայրի աղտոտվածության լազերային մշտադիտարկման հարցերով զբաղվող մասնագետ), մասնագետների պատրաստման բնագավառում (դասախոս, ասիստենտ, ավագ դպրոցներում` ուսուցիչ, մասնագիտական կողմնորոշման խորհրդատու):
Հնարավոր աշխատավայրերն են` ԵՊՀ ֆիզիկայի ինստիտուտի օպտիկայի ամբիոն, ֆիզիկական հետազոտությունների ինստիտուտ, ֆիզիկայի կիրառական պրոբլեմների ինստիտուտ, «Լազերային ֆիզիկա» ՓԲԸ, «ԼՏ Պիրկալ» ՓԲԸ, Ա. Ի. Ալիխանյանի անվան Հայաստանի ազգային գիտական լաբորատորիա, «CANDLE» հետազոտական կենտրոն, հիմնական և ավագ դպրոցներ, Հայաստանի պետական ճարտարագիտական համալսարան, հիմնարար և կիրառական հետազոտություններ կատարող պետական և մասնավոր այլ ձեռնարկություններ:
