Գիտաժողովի նպատակն է խթանել գիտության տարբեր ոլորտների զարգացումը հանրապետությունում, հնարավորություն ընձեռել մասնագետներին իրազեկ լինելու հարակից ոլորտների գիտահետազոտական աշխատանքներին և առաջընթացին, ամրապնդել և ստեղծել նոր կապեր գիտահետազոտական ինստիտուտների, կենտրոնների և համալսարանների միջև:

Գիտաժողովն առաջին անգամ անցկացվել է նախորդ տարի՝ 2022 թվականին: Հաշվի առնելով գիտաժողովի գրանցած հաջողությունը՝ որոշվել է այն դարձնել ամենամյա։

«Համահայկական գիտաժողով-2023» գիտական միջոցառման շրջանակում պարտադիր զեկուցումներ են ներկայացնելու ստորև նշված մրցույթների գիտական թեմաների ղեկավարները կամ գիտական խմբի անդամներից որևէ մեկը: Ներկա են լինելու գիտական խմբերի մյուս բոլոր մասնակիցները և համապատասխան մրցույթների մասնագիտական փորձագիտական խորհրդի անդամները․

• աջակցություն գիտական խմբերի մեկնարկի կամ լաբորատորիաների (բաժինների) ամրապնդմանը (21SCG),
• աջակցություն առաջատար հետազոտություններին (21AG),
• աջակցություն գիտական խմբերի կամ լաբորատորիաների ամրապնդմանը (20TTCG),
• աջակցություն գիտական խմբերի մեկնարկին (20TTSG),
• Հայաստանի Հանրապետության գիտական համայնքին արտերկրի գիտնականների ինտեգրման աջակցության ծրագիր (22 IRF),
• հեռավար լաբորատորիաների հիմնադրման ծրագիր (22RL):

Ելնելով վերոգրյալից՝ սիրով հրավիրում ենք ձեզ՝ ելույթ ունենալու «Համահայկական գիտաժողով-2023» գիտական միջոցառմանը:

Ելույթի ժամանակ անհրաժեշտ է ներկայացնել՝

• տվյալ ուղղությամբ գիտական խմբի ընթացիկ գիտական ձեռքբերումները, ինչպես նաև գիտական թեմայի փաստացի ծախսերի վերաբերյալ հաշվետվությունը, որոնք ներկայացնելու համար տրամադրվում է 15 րոպե, և հավելյալ 5 րոպե՝ հարցերի համար:

Գիտաժողովին պաստառային (poster) ներկայացմամբ հանդես գալու հնարավորություն ունեն Բարձրագույն կրթության և գիտության կոմիտեի կողմից ֆինանսավորման այլ շրջանակում իրականացվող գիտական թեմաների ներկայացուցիչները: Պաստառային ներկայացումը նախատեսվում է անցկացնել ս.թ. նոյեմբերի 19-ին։

Գիտաժողովի շրջանակում նախատեսված միջգիտակարգային մրցույթին (մրցանակային ֆոնդը կազմում է 1 միլիոն ՀՀ դրամ) մասնակցելու նպատակով յուրաքանչյուր գիտական թեմայից առնվազն մեկ երիտասարդ հետազոտող (մինչև 35 տարեկան) կարող է առաջադրվել գիտական ղեկավարի կողմից։

«Համահայկական գիտաժողով-2023» գիտական միջոցառմանը ցանկալի է 2023 թվականից սկսած գիտական թեմաների ղեկավարների ներկայությունը, այդ թվում Հայաստանի Հանրապետության գիտական համայնքին արտերկրի գիտնականների ինտեգրման աջակցության (IRF 23, IRF 23/2) և հեռավար լաբորատորիաների հիմնադրման (RL23) ծրագրերի շահառու գիտական թեմաների ղեկավարների:

Գրանցման վերջնաժամկետն է ս.թ. հոկտեմբերի 20-ը (ներառյալ):

Հարցերի դեպքում գրել panarmenianconf@ysu.am էլհասցեին: