Սիրելի՛ շրջանավարտներ,
Տեղեկացնում ենք, որ մեկնարկում է ԵՊՀ շրջանավարտների համայնքի զարգացմանն ուղղված ծրագիրը, որի կարևոր բաղադրիչներից մեկը շրջանավարտների տվյալների բազայի ստեղծումն է։
2023-2024 ուսումնական տարվա ընթացքում մենք ծրագրել ենք մի շարք կարևոր միջոցառումներ ու նախաձեռնություններ։ 2024 թ. մայիսին նախատեսում ենք անցկացնել ԵՊՀ շրջանավարտների առաջին ֆորումը, ընթացքի մեջ են շրջանավարտների հիմնադրամի ստեղծման աշխատանքները, շուտով լույս կտեսնի ԵՊՀ շրջանավարտների տեղեկագրի առաջին թողարկումը։
Այս ամենի մասին ձեզ պատշաճ իրազեկելու և հետադարձ կապն ապահովելու համար խնդրում ենք լրացնել Շրջանավարտների ցանցին անդամակցելու հայտը՝ անցնելով հետևյալ հղումով՝ https://www.ysu.am/alumni-membership-application
Շրջանավարտների բազայում առկա տվյալներն օգտագործվելու են բացառապես համայնքի ներսում հաղորդակցության կազմակերպման և տեղեկատվության տարածման համար։
Հարցերի դեպքում կապ հաստատել alumni@ysu.am էլհասցեի միջոցով կամ զանգահարել (+374 60) 710 180 հեռախոսահամարին։
