«Էրազմուս+» ծրագրի միջազգային կրեդիտային շարժունություն. Վենետիկի Կա Ֆոսկարի համալսարան, Իտալիա

«Էրազմուս+» միջազգային կրեդիտային շարժունության գործողության շրջանակում Երևանի պետական համալսարանի և Վենետիկի Կա Ֆոսկարի համալսարանի միջև կնքված պայմանագրով նախատեսվում է շարժունություն «Գրականություն և լեզվաբանություն» մասնագիտությամբ բակալավրիատի ուսանողների, «Պատմություն և հնագիտություն», «Գրականություն և լեզվաբանություն», «Քաղաքագիտություն և քաղաքակրթություն» մասնագիտություններով մագիստրատուրայի ուսանողների, «Պատմություն և հնագիտություն» (6 ամիս ժամկետով), «Գրականություն և լեզվաբանություն» (3 ամիս ժամկետով), մասնագիտություններով ասպիրանտների համար՝ 2024/2025 ուստարվա 1-ին կիսամյակում 5/6 ամիս ժամկետով ուսանելու նպատակով:

Աշխատանքային լեզուն անգլերենը կամ իտալերենն է:

Ծրագրով դրամաշնորհառուներին տրամադրվում է անհատական կրթաթոշակ, ինչպես նաև փոխհատուցվում է ճանապարհածախսը:

Մանրամասն տեղեկություններ ֆինանսավորման և «Էրազմուս+» միջազգային կրեդիտային շարժունության ծրագրի մասին հնարավոր է գտնել «Էրազմուս+» ազգային գործակալության կայքէջում:

Ծրագրի դիմումներն ընդունվում են ԵՊՀ միջազգային կապերի բաժնում էլեկտրոնային տարբերակով (էլհասցե՝ mnatsakanyan@ysu.am):

Դիմումների ընդունման վերջնաժամկետն է ս.թ. փետրվարի 26-ը՝ ժամը 17:00-ն:

Ստորև ներկայացվում է անհրաժեշտ փաստաթղթերի ցանկն ուսանողների համար (փաստաթղթերն ընդունվում են միայն անգլերեն).

1. դիմում-հայտ,

2. անձնագրի պատճեն,

3. ինքնակենսագրական (CV) «Europass» ձևաչափով, 

4. մոտիվացիոն նամակ, 

5. ակադեմիական տեղեկագիր,

6. տեղեկանք ԵՊՀ-ում ուսանելու վերաբերյալ, 

7. ուսումնառության համաձայնագիր (Learning Agreement for Studies),

8. ընդունող բուհի գիտական ղեկավարի համաձայնությունը (միայն ասպիրանտների համար՝ դիմել international.cooperation@unive.it էլհասցեին՝ ուղարկելով CV-ն և հետազոտական աշխատանքի պլանը):

8.1 շարժունության համաձայնագիր: