Երևանի պետական համալսարանը հայտարարում է գիտական խմբի ղեկավարի մրցույթ

Հիմք ընդունելով ԵՊՀ ռեկտորի՝ 2024 թ. մարտի 20-ի թիվ 55/84-Լ հրամանը՝ ԵՊՀ գիտական կազմի թափուր պաշտոնները համալրման նպատակով «Երևանի պետական համալսարան» հիմնադրամը հայտարարում է գիտական խմբի ղեկավարի մրցույթ:

Համաձայն ՀՀ Կառավարության՝ 2023 թ. դեկտեմբերի 21-ի թիվ 2298-Ն որոշման 43-րդ կետի՝ գիտական խմբի ղեկավարի պաշտոնը կարող է զբաղեցնել այն անձը, որը`

1) ունի տվյալ ստորաբաժանման՝ կատարվող գիտական հետազոտությունների բնագավառին համապատասխան կամ հարակից բնագավառներում գիտական աստիճան կամ մագիստրոսի (դիպլոմավորված մասնագետի) որակավորում,

2) վերջին հինգ տարիների ընթացքում (չհաշված զինվորական ծառայության կամ մինչև երեք տարեկան երեխայի խնամքի արձակուրդում գտնվելու ժամանակահատվածները) բնական գիտությունների, ճարտարագիտություն և տեխնոլոգիա, բժշկական, գյուղատնտեսական, հասարակական գիտությունների մասնագիտություններով համահեղինակել է առնվազն չորս հրապարակում ՄԳՇ-ում կամ մեկ մենագրություն, իսկ հայագիտության և հումանիտար գիտությունների մասնագիտություններով՝ առնվազն երկու հրապարակում ՄԳՇ-ում կամ մեկ մենագրություն:

Մրցութային ընտրությունը տեղի կունենա ԵՊՀ կրթագիտական ստորաբաժանման գիտական խորհրդի նիստում ս.թ. մայիսի 14-ից մայիսի 17-ն ընկած ժամանակահատվածում:

Գիտական խմբի ղեկավարի պաշտոնի հավակնորդը ԵՊՀ անձնակազմի կառավարման բաժին պետք է ներկայացնի հետևյալ փաստաթղթերը՝

1) դիմում՝ ռեկտորի անունով,

2) կադրերի հաշվառման անձնական թերթիկ,

3) ինքնակենսագրություն (CV),

4) բարձրագույն կրթության վկայականի (դիպլոմի), գիտական աստիճանի դիպ­լոմի, գիտա­կան կոչման վկայականի պատճենները,

5) հրատարակված գիտական աշխատությունների և/կամ գյուտերի ցանկը (ԵՊՀ աշխատող հավակնորդները գիտական աշխատությունների ցանկը ներբեռնում են նաև intranet.ysu.am հարթակում),

6) հավակնորդի նախաձեռնությամբ գիտական գործունեությունը բնութագրող այլ փաստաթղթեր («ԵՊՀ գիտական կազմի թափուր պաշտոնի համալրման կարգի» 7-րդ կետ):

Դիմումների և անհրաժեշտ փաստաթղթերի ներկայացման վերջնաժամկետն է ս.թ. ապրիլի 21-ը (ներառյալ):

«ԵՊՀ գիտական կազմի թափուր պաշտոնի համալրման կարգին» հնարավոր է ծանոթանալ այստեղ։

ԵՊՀ գիտական կազմի պաշտոնների մրցութային ընտրություն նշանակելու և անցկացնելու մասին հրամանը՝ կից։