«Էրազմուս+» ծրագրի միջազգային կրեդիտային շարժունություն․ Բուդապեշտի Պիտեր Պազմանի կաթոլիկ համալսարան, Հունգարիա

«Էրազմուս+» միջազգային կրեդիտային շարժունության գործողության շրջանակում Երևանի պետական համալսարանի և Բուդապեշտի Պիտեր Պազմանի կաթոլիկ համալսարանի միջև կնքված պայմանագրով նախատեսվում են շարժունություններ Պատմության ֆակուլտետի դասախոսների համար (հիմնական աշխատակիցների)` 2024/2025 ուստարում 1 շաբաթ դասավանդելու նպատակով (8 ժամ):

Անգլերենի գերազանց իմացությունը պարտադիր է:

Ծրագրով դրամաշնորհառուներին տրամադրվում է անհատական կրթաթոշակ, ինչպես նաև փոխհատուցվում է ճանապարհածախսը:

Մանրամասն տեղեկություններ ֆինանսավորման և «Էրազմուս+» միջազգային կրեդիտային շարժունության ծրագրի մասին հնարավոր է գտնել «Էրազմուս+» ազգային գործակալության կայքէջում: 

Ծրագրի դիմումներն ընդունվում են ԵՊՀ միջազգային կապերի բաժնում էլեկտրոնային տարբերակով (էլհասցե՝ h.mkrtchyan@ysu.am): Նամակի վերնագրի դաշտում անհրաժեշտ է նշել ERASMUS+, Pázmány Péter Catholic University։

Դիմումների ընդունման վերջնաժամկետն է ս․թ. հոկտեմբերի 28-ը՝ ժամը 17:00-ն:

Ստորև ներկայացվում է անհրաժեշտ փաստաթղթերի ցանկը պրոֆեսորադասախոսական կազմի համար (փաստաթղթերն ընդունվում են միայն անգլերեն, pdf տարբերակով)՝

1. անձնագրի պատճեն, 

2. ինքնակենսագրական (CV) «Europass» ձևաչափով,

3. շարժունության համաձայնագիր դասավանդման նպատակով (Staff Mobility Agreement for Teaching) (թեմա, նկարագիր, շարժունության նպատակները, ակնկալվող գործողությունները և այլն),

4. տեղեկանք ԵՊՀ-ում աշխատելու վերաբերյալ,

5. ընդունող բուհից հրավեր նամակ,

6. մոտիվացիոն նամակ։