«Էրազմուս+» ծրագրի միջազգային կրեդիտային շարժունություն․ Բուխարեստի համալսարան, Ռումինիա

«Էրազմուս+» միջազգային կրեդիտային շարժունության գործողության շրջանակում Երևանի պետական համալսարանի և Բուխարեստի համալսարանի (Ռումինիա) միջև կնքված պայմանագրով նախատեսվում են շարժունություններ Փիլիսոփայութան և հոգեբանության, Միջազգային հարաբերությունների ֆակուլտետների ասպիրանտների համար` 2024/2025 ուստարվա 2-րդ կիսամյակում 2 ամիս ժամկետով ուսանելու/հետազոտական աշխատանքներ կատարելու նպատակով:

Անգլերենի գերազանց իմացությունը պարտադիր է:

Ծրագրով դրամաշնորհառուներին տրամադրվում է անհատական կրթաթոշակ, ինչպես նաև փոխհատուցվում է ճանապարհածախսը:

Մանրամասն տեղեկություններ ֆինանսավորման և «Էրազմուս+» միջազգային կրեդիտային շարժունության ծրագրի մասին հնարավոր է գտնել «Էրազմուս+» ազգային գործակալության կայքէջում: 

Ծրագրի դիմումներն ընդունվում են ԵՊՀ միջազգային կապերի բաժնում էլեկտրոնային տարբերակով (էլհասցե՝ mnatsakanyan@ysu.am: Նամակի վերնագրի դաշտում անհրաժեշտ է նշել Erasmus+, Bucharest):

Դիմումների ընդունման վերջնաժամկետն է ս․թ. հոկտեմբերի 21-ը՝ ժամը 17:00-ն:

Ստորև ներկայացվում է անհրաժեշտ փաստաթղթերի ցանկն ուսանողների համար (փաստաթղթերն ընդունվում են միայն անգլերեն, PDF տարբերակով):

1. անձնագրի պատճեն, 

2. ինքնակենսագրական (CV) «Europass» ձևաչափով,

3. մոտիվացիոն նամակ, 

4. ակադեմիական տեղեկագիր, (ԵՊՀ միջազգային կապերի բաժնի կողմից թարգմանված և հաստատված),

5. մագիստրատուրայի դիպլոմի պատճեն,

6. տեղեկանք ԵՊՀ-ում ուսանելու վերաբերյալ,

7. ուսումնառության համաձայնագիր (Learning Agreement for Studies KA171),

8. ընդունող բուհի գիտական ղեկավարի համաձայնություն,

9. անգլերենի/իսպաներենի իմացությունը հաստատող վկայական։