Ս.թ. դեկտեմբերի 7-15-ը՝ ժամը 9:30-18:30-ը, տեղի է ունենալու Հայաստանի գիտական համայնքի «Ամենամյա ամփոփիչ գիտաժողով»-ը:
Գիտաժողովի առաջին փուլն անցկացվելու է ս.թ. դեկտեմբերի 7-13-ը ԵՊՀ գիտխորհրդի դահլիճում, իսկ երկրորդ փուլը՝ ս.թ. դեկտեմբերի 14-15-ը Ծաղկաձորում (ԵՊՀ հանգստյան տուն, Գրողների Ծաղկաձորի հանգստյան տուն):
Միջոցառումը կազմակերպվում է ՀՀ-ում գիտության տարբեր ոլորտների զարգացումը խթանելու, հարակից ոլորտների գիտահետազոտական աշխատանքներին և առաջընթացին ծանոթանալու, ինչպես նաև գիտահետազոտական ինստիտուտների, կենտրոնների և համալսարանների միջև գործընկերային կապեր ստեղծելու, ամրապնդելու համար:
Միջգիտակարգային կապերի ստեղծման և հանրապետության ակտիվ գիտական ներուժի համախմբման նպատակով կազմակերպվելու է գիտական մրցույթ:
Մանրամասներին ծանոթանալու համար անցնել հղումով:
Գիտաժողովին մասնակցելու համար լրացնել հայտը:
