Միջբուհական համագործակցության շրջանակում շարժունություն ԵՊՀ բոլոր ֆակուլտետների բակալավրիատի և մագիստրատուրայի ուսանողների համար

Միջբուհական համագործակցության շրջանակում Երևանի պետական համալսարանի և Հումբոլդտի համալսարանի միջև կնքված պայմանագրով նախատեսվում է շարժունություն ԵՊՀ բոլոր ֆակուլտետների բակալավրիատի և մագիստրատուրայի ուսանողների համար՝ 2025-2026 ուստարվա 1-ին կիսամյակում ուսանելու նպատակով:

Գերմաներենի/անգլերենի առնվազն B2/C1 մակարդակի  իմացությունը պարտադիր է:

Ծրագրով դրամաշնորհառուներին տրամադրվում է անհատական կրթաթոշակ՝ ամսական 859 եվրոյի չափով:

Ավիատոմսերի գումարը չի փոխհատուցվում:

Մանրամասն տեղեկություններ հնարավոր է գտնել համալսարանի կայքէջում։

Ծրագրի դիմումներն էլեկտրոնային տարբերակով ընդունվում են ԵՊՀ միջազգային կապերի բաժնի lia_evoyan@ysu.am էլհասցեով:

Դիմումների ընդունման վերջնաժամկետն է ս.թ. փետրվարի 20-ը՝ ժամը 17:00-ն:

Ստորև ներկայացվում է անհրաժեշտ փաստաթղթերի ցանկն ուսանողների համար (փաստաթղթերն ընդունվում են միայն անգլերեն/գերմաներեն՝ PDF տարբերակով).

1. անձնագրի պատճեն,

2. ինքնակենսագրական (CV)՝ «Europass» ձևաչափով,

3. մոտիվացիոն նամակ,

4. ակադեմիական տեղեկագիր /թարգմանված և հաստատված ԵՊՀ միջազգային կապերի
բաժնի կողմից/,

5. տեղեկանք՝ ԵՊՀ-ում ուսանելու վերաբերյալ,

6. ուսումնառության համաձայնագիր (Learning Agreement for Studies),

7. գերմաներենի իմացությունը հավաստող փաստաթուղթ:

Հումբոլդտի համալսարանում առաջարկվող դասընթացներին հնարավոր է ծանոթանալ՝ անցնելով հետևյալ հղումով։