«Էրազմուս+» միջազգային կրեդիտային շարժունություն Երևանի պետական և Գդանսկի համալսարանների (Լեհաստան) միջև

«Էրազմուս+» միջազգային կրեդիտային շարժունության գործողության շրջանակում Երևանի պետական և Գդանսկի համալսարանների (Լեհաստան) միջև կնքված պայմանագրով նախատեսվում է շարժունություն Եվրոպական լեզուների և հաղորդակցության ֆակուլտետի պրոֆեսորադասախոսական կազմի (հիմնական) համար` 2024/2025 ուստարվա 2-րդ կիսամյակում 1 շաբաթ ժամկետով վերապատրաստում անցնելու նպատակով: Շարժունությունը կիրականացվի մինչև ս․թ․ հունիսի 30-ը:

Անգլերենի առնվազն B2 մակարդակի իմացությունը պարտադիր է:

Մանրամասն տեղեկություններ ֆինանսավորման և «Էրազմուս+» միջազգային կրեդիտային շարժունության ծրագրի մասին հնարավոր է գտնել «Էրազմուս+» ազգային գործակալության կայքէջում:

Ծրագրի դիմումներն ընդունվում են ԵՊՀ միջազգային կապերի բաժնում էլեկտրոնային տարբերակով (էլհասցե՝ lia_evoyan@ysu.am):

Դիմումների ընդունման վերջնաժամկետն է ս․թ․ ապրիլի 22-ը՝ ժամը 17:00-ն:

Ստորև ներկայացվում է անհրաժեշտ փաստաթղթերի ցանկը պրոֆեսորադասախոսական կազմի համար (փաստաթղթերն ընդունվում են միայն անգլերեն, pdf տարբերակով)՝

1. անձնագրի պատճեն,

2. ինքնակենսագրական (CV) «Europass» ձևաչափով,

3. շարժունության համաձայնագիր դասավանդման նպատակով (Staff Mobility Agreement for Training) (թեմա, նկարագիր, շարժունության նպատակները, ակնկալվող գործողությունները և այլն),

4. տեղեկանք ԵՊՀ-ում աշխատելու վերաբերյալ,

5. հրավեր (Pre-Acceptance Letter)՝ Գդանսկի համալսարանի պրոֆեսորի կողմից։