ԵՊՀ շրջանավարտների և կարիերայի կենտրոնի և «Սինոփսիս Արմենիա» ՓԲԸ-ի համագործակցության շրջանակում Ինֆորմատիկայի և կիրառական մաթեմատիկայի, Մաթեմատիկայի և մեխանիկայի ֆակուլտետների և Ֆիզիկայի ինստիտուտի ուսանողների համար կազմակերպվեց շրջայց ընկերության նախաձեռնություններին, թափուր աշխատատեղերին և տարբեր թիմերի նորարարական նախագծերին ծանոթանալու նպատակով:
Շրջայցի ընթացքում ուսանողները տեղեկացան «Սինոփսիս Արմենիա» ՓԲԸ-ի գործունեության և ընկերության որդեգրած արժեքների մասին։ Մատնանշվեցին անհրաժեշտ այն կարողություններն ու հմտությունները, որոնք կարևոր են «Սինոփսիս Արմենիայում» և առհասարակ տվյալ ոլորտում աշխատանք ունենալու համար։
Հանդիպման ավարտին ուսանողները ձևավորեցին թիմեր, մասնակցեցին մրցույթի: Հաղթող թիմը ստացավ անակնկալ նվեր ընկերության կողմից։
Շրջայցի ընթացքում ուսանողները հնարավորություն ունեցան անձամբ ծանոթանալու ընկերության աշխատանքին, ինչպես նաև բանախոսներին հղելու իրենց հետաքրքրող հարցերը։
ԵՊՀ շրջանավարտների և կարիերայի կենտրոնի փոխտնօրեն Կարինե Նազարյանը նշեց, որ նմանօրինակ հանդիպումները ուսանողներին տալիս են ոչ միայն մասնագիտական գիտելիքներ ստանալու, այլև կազմակերպությունների աշխատանքին ծանոթանալու հնարավորություն։
