ԵՊՀ շրջանավարտների և կարիերայի կենտրոնի ու «Հոլիդեյ ինն էքսպրես» ՓԲԸ-ի համագործակցությամբ «Բաց դռների օր» միջոցառման շրջանակում ԵՊՀ ուսանողները մասնակցեցին կազմակերպված շրջայցին՝ ծանոթանալով ընկերության նախաձեռնություններին, թափուր աշխատատեղերին և տարբեր թիմերի նորարարական նախագծերին:
Շրջայցի ընթացքում ուսանողները ծանոթացան ընկերության գործունեությանը և որդեգրած արժեքներին, բրենդի առավելություններին, մատնանշվեցին անհրաժեշտ այն կարողություններն ու հմտությունները, որոնք կարևոր են «Հոլիդեյ ինն էքսպրես»-ում և առհասարակ տվյալ ոլորտում աշխատելիս։
ԵՊՀ ուսանողները հնարավորություն ունեցան նաև անմիջականորեն ծանոթանալու ոլորտի աշխատանքային միջավայրին, ինչպես նաև բանախոսներին հղելու իրենց հետաքրքրող հարցերը։
Հանդիպման ավարտին ուսանողները ձևավորեցին թիմեր, մասնակցեցին մրցույթի: Հաղթող թիմը ստացավ անակնկալ նվեր ընկերության կողմից։
