ԵՊՀ շրջանավարտների և կարիերայի կենտրոնի և «Հ․ Հովնանյան ընտանեկան հիմնադրամի» համագործակցության արդյունքում հիմնադրամի ներկայացուցիչները ԵՊՀ 11 ֆակուլտետներում անցկացրին հանդիպումներ՝ ուսանողներին, ասպիրանտներին և պրոֆեսորադասախոսական կազմին ներկայացնելով հիմնադրամի անհատական դրամաշնորհների (Fellowships) ծրագիրը։
Ծրագրի շրջանակում հիմնադրամը հովանավորում է այն անհատներին, որոնք միջազգային հեղինակավոր հարթակներում ներկայացնում են Հայաստանը իրենց աշխատանքների կամ տաղանդների միջոցով։ Հարթակները կարող են ներառել մասնագիտական համաժողովներ, միջազգային մրցույթներ, փառատոներ և ցուցահանդեսներ գիտության բոլոր ճյուղերի, արվեստի, արհեստի և սպորտի ոլորտներում։
Ծրագիրը կգործի ողջ տարվա ընթացքում։ Առավել մանրամասն տեղեկություն հասանելի է այստեղ։
