ԵՊՀ շրջանավարտների և կարիերայի կենտրոնի և «iNFOEXPERT» ընկերության համագործակցության շրջանակում անցկացվեց հանդիպում ԵՊՀ ուսանողների հետ։
Հանդիպման բանախոսներն էին «iNFOEXPERT» ակադեմիայի աշխատակից Ժենյա Տոնականյանը, ընկերության մարքեթինգի բաժնի պատասխանատու Մարիամ Սահակյանը, ինչպես նաև բիզնեսի զարգացման և վաճառքի բաժնի ներկայացուցիչ Աննա Ղազարյանը։
Հանդիպման ժամանակ ուսանողները հնարավորություն ունեցան ծանոթանալու ընկերության գործունեությանը, հաշվապահական և բիզնես գործընթացների ավտոմատացման, տարբեր լուծումների ուղղությամբ ընկերության փորձին, ինչպես նաև ընկերությունում փորձառության և կամավորության հնարավորություններին։ Կազմակերպության ներկայացուցիչներն ուսանողներին ներկայացրին նաև ընկերությունում առկա թափուր հաստիքները և կարիերայի հնարավորությունները։
Ավարտին ուսանողները մանրամասն տեղեկություն ստացան կազմակերպությունում պրակտիկա անցնելու և իրենց հետաքրքրող այլ հարցերի վերաբերյալ։
