«ԲանՈՒԳործ․ ԵՊՀ էքսպո-2023»-ի ժամանակ ԵՊՀ կենտրոնական մասնաշենքի և գրադարանի նախասրահներում ներկայացված են լինելու՝
☑️ աշխատարան,
☑️ պատմական լուսանկարների ցուցահանդես,
☑️ գրքերի ցուցադրություն։
Աշխատարանի շրջանակում անցկացվելու են ինքնակենսագրություն (CV) գրելու և տարբեր հմտություններ ձեռք բերելու վերաբերյալ արագ դասընթացներ, աշխատաշուկայում սեփական տեղը գտնելու և մասնագիտական կողմնորոշմանը նպաստող թեստեր, ինչպես նաև սիմուլյացիոն հարցազրույցներ, որոնք օգնելու են ուսանողներին գնահատել սեփական կարողություններն ու հմտությունները, հասկանալ գործատուի պահանջները և կարևոր շատ այլ հմտություններ։
ԵՊՀ կենտրոնական մասնաշենքի նախասրահում կրթական ծառայություններ մատուցող, զարգացման ծրագրեր առաջարկող տեղական ու միջազգային կազմակերպությունները, ԵՊՀ ուսանողական խորհուրդը և ուսանողական գիտական ընկերությունը ներկայացնելու են իրենց գործունեությունը։
Շարունակական կրթության կենտրոնը ժամը 13:00-ից անցկացնելու է՝
➡ ինտերակտիվ վիկտորինա աշակերտների համար, որը հնարավորություն կտա աշակերտներին ստուգելու իրենց գիտելիքները բնագիտական, հումանիտար, տեխնիկական և այլ ոլորտներում: Հաղթողները կպարգևատրվեն խրախուսական մրցանակներով:
➡ ԵՊՀ քվեսթ ուսանողների համար, որը հնարավորություն կտա ուսանողներին խաղերի միջոցով ծանոթանալու համալսարանական միջավայրին: Խաղը նրանց համար է, ովքեր սիրում են թիմային ինտելեկտուալ խաղեր և գլուխկոտրուկներ, պատրաստ են շարժման մեջ նորովի բացահայտելու ծանոթ տարածքը:
Քվեսթին մասնակցելու համար անհրաժեշտ է ձևավորել առավելագույնը 10 հոգուց բաղկացած թիմ և մինչև մայիսի 14-ը գրանցվել՝ անցնելով հետևյալ հղումով՝ https://bit.ly/3LTvlkO:
