Ս․թ․ ապրիլի 10-ին, 12-ին և 15-ին ԵՊՀ գիտական խորհրդի նիստերի դահլիճում տեղի կունենա «Հաշվետու գիտաժողով-2024» գիտական միջոցառումը, որի հիմնական նպատակն է ամփոփել ԵՊՀ գիտական ստորաբաժանումների գործունեությունը, հնարավորություն ընձեռել ոլորտի առաջատար գիտնականներին և հետազոտողներին ներկայացնելու իրենց գիտական հետազոտությունների արդյունքները, գործունեության ուղղություններն ու տեսլականը:

Գիտաժողովը հնարավորություն կտա խթանելու գիտության տարբեր ոլորտների զարգացումը, իրազեկ լինելու հարակից, միջգիտակարգային ոլորտների գիտահետազոտական առաջընթացին, խորացնելու և ընդլայնելու գիտահետազոտական ինստիտուտների, կենտրոնների և ֆակուլտետների գիտական համագործակցությունը:

Հիմնական գիտաժողովի շրջանակում ԵՊՀ գիտական ստորաբաժանումները և ֆակուլտետները մարտ-ապրիլ ամիսներին հանդես կգան լրացուցիչ սեմինարներով, ամփոփիչ կոնֆերանսներով՝ իրենց գործունեությունն առավել տեսանելի և հրապարակային դարձնելու նպատակով: 

Կիրառական սոցիոլոգիայի լաբորատորիայի գիտնականները և երիտասարդ հետազոտողները մարտի 29-ից 31-ը Ծաղկաձորի «Համալսարանական» հանգստյան տանը կանցկացնեն միջազգային արտագնա գիտաժողով՝ «Պատերազմն ու խաղաղությունը սոցիալական գիտությունների դիտակետում» խորագրով։ 

ԵՊՀ ֆիզիկայի գիտահետազոտական ինստիտուտն անցկացրել է սեմինարների շարք, իսկ ամփոփիչ գիտաժողովը  նախատեսվում է կազմակերպել ապրիլի վերջին։

Հարցերի դեպքում, ինչպես նաև գիտաժողովի վերաբերյալ հավելյալ տեղեկություններ ստանալու համար կապ հաստատել science@ysu.am էլհասցեի միջոցով  կամ զանգահարել հետևյալ հեռախոսահամարներով՝ (+374 60) 710 185, ներքին՝ 11-85: