«Դասավանդի՛ր, Հայաստան»-ի օրեր ԵՊՀ-ում

ԵՊՀ շրջանավարտների և կարիերայի կենտրոնի ու «Դասավանդի՛ր, Հայաստան» կրթական հիմնադրամի համագործակցությամբ ս.թ. նոյեմբերի 7-9-ը ԵՊՀ-ում կանցկացվեն «Դասավանդի՛ր, Հայաստան»-ի օրերը։

«Դասավանդի՛ր, Հայաստան»-ի թիմը երեք օր շարունակ՝ ժամը 11։00–15։00-ն, ԵՊՀ կենտրոնական մասնաշենքի բակում կկազմակերպի կրթական քուիզներ, թեմատիկ խաղեր, որոնք կուղեկցվեն մրցանակներով և անակնկալներով։ Միաժամանակ բոլոր հետաքրքրվողները տեղում կծանոթանան հիմնադրամում առկա կարիերայի հնարավորություններին։

Օրակարգում՝

• կրթական քուիզ և խաղարկություն,
• «Արդյոք ովքե՞ր են» խաղ, որի հաղթողները կստանան նվեր քարտեր,
• «Դասավանդի՛ր, Հայաստան»-ի հեղինակային «Մայրենիք» խաղը (միայն նոյեմբերի 7-ին՝ ժամը 16։00-17։30),
• «Երեք ընկեր, մեկ նպատակ» պանելային քննարկում (Շառլ Ազնավուրի անվան մշակույթի կենտրոն, ԵՊՀ կենտրոնական մասնաշենք, 6-րդ հարկ),
• կարիերայի հնարավորություններ «Դասավանդի՛ր, Հայաստան»-ում (կրթաթոշակ, կամավորություն և փորձնակություն)։

Գրանցվելու համար անցնել հետևյալ հղումով՝ https://www.tfaforms.com/5095043