Այցելություն ԵՊՀ Իջևանի մասնաճյուղ

Ս.թ. նոյեմբերի 9-ին՝ ժամը 8:15-17:00-ն, Իջևանում ԵՊՀ շրջանավարտների և կարիերայի կենտրոնի նախաձեռնությամբ ուսանողների համար կիրականացվի կարիերայի խթանման ծրագիր, որի շրջանակում կենտրոնի աշխատակիցները ԵՊՀ Իջևանի մասնաճյուղի ուսանողներին կներկայացնեն կենտրոնի գործունեությունը։

Կենտրոնի փոխտնօրենը և աշխատակիցները կանցկացնեն «Ինչպե՞ս գտնել հենց քո երազած աշխատանքը», «Ինչպե՞ս ներկայանալ գործատուին», «Գրագետ CV կազմելու կանոնները» թեմաներով դասընթացներ։

Հանդիպմանը իրենց կազմակերպություններում առկա աշխատանքի հնարավորությունները կներկայացնեն նաև «The Gurus» և «Արմենիա Ինշուրանս» ընկերությունների ներկայացուցիչները:

Օրվա ընթացքում նախատեսվում է շրջայց Իջևանի գինու-կոնյակի գործարան, որի շրջանակում ուսանողները կստանան ինչպես մասնագիտական որոշ գիտելիքներ, այնպես էլ կծանոթանան իրենց տարածաշրջանում առկա աշխատանքի հնարավորություններին։