«Երիտասարդ մասնագետների խորհրդարանական ծրագիր-2024». տեղեկատվական հանդիպում ԵՊՀ-ում

Ս.թ. նոյեմբերի 17-ին՝ ժամը 14:30-ին, ԵՊՀ Պալեանների անվան դահլիճում տեղի կունենա տեղեկատվական հանդիպում, որի շրջանակում կներկայացվեն «Երիտասարդ մասնագետների խորհրդարանական ծրագիր-2024»-ի վերաբերյալ մանրամասները:

Ծրագրի շրջանակում Իրավագիտության, Միջազգային հարաբերությունների, Տնտեսագիտության և կառավարման, Եվրոպական լեզուների և հաղորդակցության ֆակուլտետների մագիստրատուրայի ուսանողները ԱԺ-ում պրակտիկա անցնելու բացառիկ հնարավորություն կստանան։

15 երիտասարդներ ամբողջ Հայաստանից հնարավորություն կունենան ծանոթանալու խորհրդարանական ժողովրդավարությանը, կաշխատեն խմբակցություններում, պատգամավորների գրասենյակներում, մշտական հանձնաժողովներում և Ազգային ժողովի աշխատակազմի վարչություններում: