«1920 թ․ թուրք-հայկական պատերազմը» խորագրով միջազգային գիտաժողով ԵՊՀ-ում

Ս.թ. մայիսի 23-ին և 24-ին ԵՊՀ պատմության ֆակուլտետում կանցկացվի միջազգային գիտաժողով՝ նվիրված 1920 թ․ թուրք-հայկական պատերազմի պատմությանը:

Գիտաժողովի շրջանակում ներկայացվող զեկուցումները պետք է ընդգրկեն հետևյալ թեմաները․

• 1920 թ․ թուրք-հայկական պատերազմի պատճառները,
• հայ-թուրքական հարաբերությունները 1918-1921 թթ․,
• ռազմական գործողությունների առանձնահատկությունները,
• պատերազմի լուսաբանումը հայկական և օտար մամուլում,
• պատերազմում պարտության պատճառները,
• պատերազմի հետևանքները,
• թուրք-հայկական պատերազմը և Հայաստանի խորհրդայնացումը,
• թուրք-հայկական պատերազմի ազդեցությունը հայկական ինքնության վրա (հայրենիքում և Սփյուռքում),
• երրորդ պետությունների (Ռուսաստան, Վրաստան, Ադրբեջան, Արևմտյան երկրներ) դիրքորոշումը պատերազմի ժամանակ,
• թուրք-հայկական պատերազմի համեմատությունը ժամանակաշրջանի այլ պատերազմների հետ,
• թուրք-հայկական պատերազմի պատմագրությունը (հայկական, թուրքական, ռուսական և այլն)։

Մասնակիցներն իրենց զեկուցումների հայտերը (զեկուցման վերնագիրը, ամփոփագիրը (մինչև 300 բառ) և հեղինակի հակիրճ կենսագրությունը) մինչև ս.թ. ապրիլի 10-ը պետք է ուղարկեն՝ լրացնելով առցանց հայտադիմումը։

Գիտաժողովի հայտերի ընտրության արդյունքները կհրապարակվեն ս.թ. ապրիլի 25-ին:

Գիտաժողովում հնչած զեկուցումները կհրապարակվեն գիտական հոդվածների առանձին ժողովածուում։

Հրատարակության համար զեկուցումների հիման վրա գրված հոդվածներն անհրաժեշտ է conferencehistory@ysu.am էլհասցեին ուղարկել մինչև ս.թ. հունիսի 20-ը:

Հոդվածները տպագրվելու են բացառապես «Պատմություն և մշակույթ» հանդեսի սկզբունքներին համաձայն (միայն գրախոսականն ուղարկելուց հետո՝ համապատասխանելով հանդեսի չափորոշիչներին)։

Հավելյալ հարցերի դեպքում կապ հաստատել հետևյալ էլհասցեի միջոցով՝ conferencehistory@ysu.am։