«Պատերազմը, սահմանը և մշակույթը» խորագրով միջազգային գիտաժողով ԵՊՀ-ում

Ս.թ. ապրիլի 11-ին և 12-ին ԵՊՀ պատմության ֆակուլտետում ՀՀ ԿԳՄՍՆ բարձրագույն գիտության և կրթության կոմիտեի կողմից ֆինանսավորվող «Համայնքը և հանրային մշակութային տարածքի փոխակերպումները հետխորհրդային Հայաստանում սահմանամերձ բնակավայրերի օրինակով» թեմայի շրջանակում կանցկացվի «Պատերազմը, սահմանը և մշակույթը» խորագրով միջազգային գիտաժողով։

Գիտաժողովի հիմնական ուղղություններն են՝

1. ժամանակակից սոցիալ-մշակութային գործընթացները սահմանին,

2. սահմանային ժառանգության պահպանության խնդիրները,

3. կրթությունը և կրթական նոր փոփոխությունները սահմանին,

4. սահմանային բնակավայրերի մշակութային և կրոնական լանդշաֆտի փոփոխությունները,

5. սահմանային բնակավայրերի տնտեսական գործընթացների փոխակերպումները,

6. պատերազմի ազդեցությունը սահմանային բնակավայրերի առօրեականության վրա:

Գիտաժողովն անցկացվելու է հայերենով և անգլերենով։

Մասնակցության համար մինչև ս.թ. մարտի 10-ը անհրաժեշտ է գրանցվել և զեկուցումներն ուղարկել հետևյալ հղումով՝ https://forms.gle/V9mxaGza59LShjMd9։

Հարցերի դեպքում կապ հաստատել հետևյալ էլհասցեի միջոցով՝ culturallandscape203@gmail.com։