Նոր ուսումնական տարվա մեկնարկին նվիրված միջոցառում ԵՊՀ-ում

Ս.թ. սեպտեմբերի 13-ին՝ ժամը 16:00-ին, Երևանի պետական համալսարանում տեղի կունենա նոր ուսումնական տարվա մեկնարկին և առաջինկուրսեցիների ընդունելությանը նվիրված «Հնարավորությունների տոնավաճառ» միջոցառումը, որի ընթացքում ԵՊՀ արտաուսումնական ստորաբաժանումներն առաջինկուրսեցիներին կպատմեն իրենց գործունեության և իրականացվող ծրագրերի մասին։

Միջոցառման շրջանակում կներկայացվեն համալսարանական կյանքը (լրացուցիչ կրթական հնարավորություններ, ուսանողներին տրամադրվող զեղչեր, ներքին հաղորդակցություն, միջազգային համագործակցություն, տեղեկատվական համակարգեր, մշակութային կյանք, կարիերայի հնարավորություններ և այլն) և ենթակառուցվածքների գործունեությունը։ 

Միջոցառմանը ներկայացված կլինեն հետևյալ ստորաբաժանումները՝

• Տեղեկատվական տեխնոլոգիաների վարչություն,

• Տեղեկատվական տեխնոլոգիաների կրթական և հետազոտական կենտրոն,

• Ուսումնամեթոդական վարչություն,

• Ֆինանսական վերլուծությունների վարչություն,

• Գիտական քաղաքականության վարչություն,

• Ընդհանուր բաժին,

• Սարգիս և Մարի Իզմիրլյանների անվան գրադարան,

• Միջազգային համագործակցության վարչություն,

• Շրջանավարտների և կարիերայի կենտրոն,

• Շառլ Ազնավուրի անվան մշակույթի կենտրոն,

• Շարունակական կրթության կենտրոն,

• Լ. Ղարիբջանյանի անվան պատմության թանգարան,

• Մարքեթինգի բաժին,

• Ուսանողական գիտական ընկերություն,

• Ուսանողական խորհուրդ,

• Ֆիզիկական դաստիարակության և սպորտի ամբիոն,

• Բյուրականի ուսումնաարտադրական բազա։

 «Հնարավորությունների տոնավաճառ» միջոցառման նպատակն է ուսանողներին ծանոթացնել համալսարանի ընձեռած արտաուսումնական բազմաթիվ հնարավորություններին և օգնել նրանց ստանալու իրենց հետաքրքրող հարցերի պատասխանները։ Սա բացառիկ հնարավորություն է՝ հանդիպելու և շփվելու համակուրսեցիների ու այլ ուսանողների, դասախոսների և համալսարանական անձնակազմի հետ։

Միջոցառմանը համերգային ծրագրով հանդես կգա «YSU Band»-ը:

Միացե՛ք միջոցառմանը, և եկեք միասին ազդարարենք առաջինկուրսեցիների ուսումնական ճամփորդության սկիզբը։

Սիրով սպասում ենք բոլորիդ։