ԵՊՀ ուսանողները կայցելեն «Սինոփսիս Արմենիա» ընկերություն

Ս․թ․ հոկտեմբերի 8-ին՝ ժամը 15։00-ին, ԵՊՀ մաթեմատիկայի և մեխանիկայի, ինֆորմատիկայի և կիրառական մաթեմատիկայի ֆակուլտետների, ֆիզիկայի ինստիտուտի, տեղեկատվական տեխնոլոգիաների կրթական և հետազոտական կենտրոնի ուսանողները կայցելեն «Սինոփսիս Արմենիա» ընկերություն։

Ընկերության 20-ամյակի կապակցությամբ կազմակերպվող այցի շրջանակում ուսանողները հնարավորություն կունենան ծանոթանալու ոլորտի զարգացման միտումներին, ընկերության գործունեությանը, ուսումնական ծրագրին և թիմին միանալու հեռանկարներին, ինչպես նաև կլսեն թեմատիկ ելույթներ՝ հատուկ մշակված ընկերության առաջատար մասնագետների կողմից։

Բացի դրանից՝ ուսանողները շրջայց կկատարեն  «Սինոփսիս Արմենիա» ընկերության գլխավոր մասնաշենքում։