«Դասագրքաստեղծման մարտահրավերներն ու լուծումները. հանդիպում դասագրքերի հեղինակների հետ» խորագրով հանդիպում-քննարկում ԵՊՀ-ում

Ս.թ. մարտի 14-ին՝ ժամը 14:30-16:00-ն, ԵՊՀ Սարգիս և Մարի Իզմիրլյանների անվան գրադարանի 503 ընթերցասրահում տեղի կունենա «Դասագրքաստեղծման մարտահրավերներն ու լուծումները. հանդիպում դասագրքերի հեղինակների հետ» խորագրով հանդիպում-քննարկում: 

Հանդիպման բանախոսներն են.

• Սմբատ Գոգյան («Մաթեմատիկայի» 5-8-րդ դասարանների դասագրքերի համահեղինակ, «Քառակուսի» հիմնադրամի տնօրեն)

• Սոկրատ Մկրտչյան («Մաթեմատիկայի» 1-4-րդ դասարանների դասագրքերի հեղինակ)

• Արաքս Մանուչարյան («Հասարակագիտության» 7-րդ և 10-րդ դասարանների դասագրքերի համահեղինակ, դպրոցում ֆինանսական գրագիտության առարկայի ներդրման ջատագով)

Քննարկումը ծավալվելու է հետևյալ հարցերի շուրջ.

• Որո՞նք են դասագրքերի ստեղծման և գնահատման տարբեր փուլերին բնորոշ դժվարություններն ու դրանց հաղթահարման հնարավոր ուղիները:

• Սովորողների նախասիրությունները, սոցիալական մեդիան և նոր տեխնոլոգիաներն ինչպիսի՞ ազդեցություն ունեն մաթեմատիկայի ուսուցման, դասագրքերի բովանդակության վրա:

• Ինչպիսի՞ն են մաթեմատիկայի դասավանդման հեռանկարները՝ հաշվի առնելով արհեստական բանականության և մեքենայական ուսուցման զարգացումները:

• Որո՞նք են նոր դասագրքերում կիրառված նորարարական մոտեցումները, գաղափարներն ու անսովոր լուծումները:

• Մաթեմատիկա և ֆինանսական գրագիտություն, մաթեմատիկա և 21-րդ դարի հմտություններ:

• Դասագրքերի մասնակցային բարելավում՝ ուսուցիչների և աշակերտների արձագանքների ներառման միջոցով: