«Մարքեթինգային հաղորդակցություն և գործարար դիսկուրս․ հեռանկարներ և մարտահրավերներ» խորագրով սիմպոզիում ԵՊՀ-ում
Ս․թ․ ապրիլի 10-11-ը՝ ժամը 9։30-ին, ԵՊՀ ISTC ինովացիոն կենտրոնի դահլիճում Միջմշակութային հաղորդակցության անգլերենի ամբիոնի նախաձեռնությամբ կանցկացվի «Մարքեթինգային հաղորդակցություն և գործարար դիսկուրս․ հեռանկարներ և մարտահրավերներ» խորագրով սիմպոզիում։
Սիմպոզիումը կհամախմբի մարքեթինգային հաղորդակցության ոլորտի առաջատար մասնագետների, փորձագետների, գիտնականների, ֆակուլտետի շրջանավարտների, ինչպես նաև մագիստրանտների՝ համատեղելու տեսական գիտելիքը, փորձն ու նորարարական մոտեցումները։
Միջոցառման շրջանակում տեղի կունենա նաև «Ինչպե՞ս է ԱԲ-ն փոխում մեր կյանքը» խորագրով պանելային քննարկում, որի շրջանակում ոլորտի առաջատար մասնագետները կներկայացնեն արհեստական բանականության ազդեցությունը մեր առօրյայի, մասնագիտական ոլորտների և համաշխարհային շուկայի վրա՝ բացահայտելով դրա ընձեռած հնարավորություններն ու մարտահրավերները։
