«Ենթակառուցվածքները Կովկասում 19-րդ դարի սկզբից մինչև ուշ խորհրդային շրջանը» խորագրով միջազգային գիտաժողով

Մյունխենի համալսարանի պատմության ու արվեստի ֆակուլտետի Ռուսաստանի և Ասիայի պատմության ամբիոնի և Երևանի պետական համալսարանի պատմության ֆակուլտետի համագործակցության շրջանակում կազմակերպվում է «Ենթակառուցվածքները Կովկասում 19-րդ դարի սկզբից մինչև ուշխորհրդային շրջանը» խորագրով միջազգային գիտաժողով, որը տեղի է ունենալու ս.թ. հոկտեմբերի 3-6-ը, ԵՊՀ պատմության ֆակուլտետի դահլիճում։

Աշխատանքային լեզուն անգլերենն է (առանձին դեպքերում կդիտարկվեն նաև գերմաներեն և ռուսերեն զեկուցումներ)։

Մասնակցության համար անհրաժեշտ է մինչև մայիսի 1-ը arpine.maniero@collegium-carolinum.de և h.holzberger@lmu.de էլհասցեներին ուղարկել 500 բառի սահմաններում զեկուցման ամփոփագիրը և աշխատանքային կարգավիճակի մասին տվյալները (նամակում CC նշել ԵՊՀ պատմության ֆակուլտետի էլհասցեն՝ history@ysu.am)։

Զեկուցումների թեմատիկան ընդգրկում է հետևյալ ոլորտները․

1․ «Ենթակառուցվածքներ և միգրացիա»,

2․ «Տրանսպորտային ենթակառուցվածքների կառուցումը և շահագործումը»,

3․«Ենթակառուցվածքները՝ սոցիալ-մշակութային և մարդաբանական տեսանկյունից»,

4․ «Ենթակառուցվածքները՝ անդրկայսերական/անդրազգային համատեքստում»,

5․ «Ծովը և ցամաքը կապող ենթակառուցվածքները»,

6․ «Ենթակառուցվածքները և շրջակա միջավայրը»:

Գիտաժողովից հետո նախատեսվում է զեկուցումների տպագրություն։