Մեկնարկում է «Գարնանային մեդիադպրոց» ծրագիրը

Ս.թ. մարտի 27-ին՝ ժամը 12:00-ին, ԵՊՀ 7-րդ մասնաշենքի 511 լսարանում կմեկնարկի ժուռնալիստիկայի ֆակուլտետի ուսանողական խորհրդի նախաձեռնած «Գարնանային մեդիադպրոց» մեկշաբաթյա ծրագիրը:

Ծրագիրը նախատեսված է դիմորդների համար, որի նպատակն է նրանց ծանոթացնել համալսարանին, ֆակուլտետի գործունեությանը, ինչպես նաև սովորեցնել պատրաստել լրագրողական նյութեր:

Դպրոցի շրջանակում դասընթացներ կվարեն դասախոսներ, ինչպես նաև բարձրկուրսեցիներ: Մասնակիցները կուսումնասիրեն մեդիահոգեբանություն, հաղորդավարական աշխատանքի հմտություններ, մեդիագրագիտություն, կծանոթանան լրագրողի իրավունքներին և պարտականություններին: