Իրադարձություններ

Ս.թ. մայիսի 21-ին՝ ժամը 10:00-ին, ԵՊՀ գիտխորհրդի նիստերի դահլիճում տեղի կունենա հանդիպում Ն.Գ. դոկտոր Խալիֆա Մուբարաք ալ Դահերիի հետ (His Excellency Dr. Khalifa Mubarak Al Dhaheri):

Ս.թ. մայիսի 21-ին՝ ժամը 11:00-ին, ԵՊՀ գիտական խորհրդի նիստերի դահլիճում տեղի կունենա ՀՀ առողջապահական և աշխատանքի տեսչական մարմնի աշխատակիցների և ԵՊՀ ՍԹԵՄ ավագ դպրոցի աշակերտական համակազմի հանդիպումը:

Ս.թ. մայիսի 21-ին՝ ժամը 11:00-ին, ԵՊՀ եվրոպական ուսումնասիրությունների կենտրոնի «Ժան Մոնե» սրահում ԵՊՀ-ի և ««ժան Մոնե» գերազանցության կենտրոն. ժողովրդավարություն, մարդու իրավունքներ և անվտանգություն (DeHuRiS)» ծրագրի շրջանակում՝ Ռաուլ Վալենբերգի անվան մարդու իրավունքների և մարդասիրական իրավունքի ինստիտուտի երևանյան գրասենյակի հետ համատեղ կկազմակերպվի «Մարդու իրավունքներ, հաշմանդամություն և քաղաքային զարգացում» խորագրով սեմինար:

Ս.թ. մայիսի 16-ին՝ ժամը 15:00-ին, ՀՀ ԳԱԱ մեծ դահլիճում տեղի կունենա «Գիտությունն այսօր» գիտահանրամատչելի սեմինարների շարքի «Երկրից դեպի Մարս. գիտնականների ներդրումը» թեմայով հանդիպումը:

Ս.թ. մայիսի 15-ին և 16-ին Երևանի պետական համալսարանում առաջին անգամ տեղի կունենա ԵՊՀ շրջանավարտների ֆորում, որի նպատակն է ԵՊՀ տարբեր տարիների շրջանավարտների համար ստեղծել հաղորդակցման և համագործակցության հարթակ՝ հնարավորություն ընձեռելով նրանց ներկայացնելու իրենց մասնագիտական փորձն ու ձեռքբերումները, քննարկելու արդիական խնդիրներ, անդրադառնալու Հայաստանի, տարածաշրջանի և համաշխարհային մակարդակով տարբեր ոլորտներում առկա հնարավորություններին ու մարտահրավերներին:

Ս.թ. մայիսի 15-ին՝ ժամը 15:00-ին, ԵՊՀ փիլիսոփայության ֆակուլտետում տեղի կունենա «Հոգեկան առողջություն. իրազեկման հանդիպում» խորագրով քննարկում՝ նվիրված hոգեկան առողջության իրազեկման մայիսյան միամսյակին:

Ս.թ. մայիսի 15-ին՝ ժամը 10:00-ին, ԵՊՀ արևելագիտության ֆակուլտետի Ֆիրդուսիի անվան դահլիճում (218 լսարան) տեղի կունենա Ֆիրդուսիի մեծարման և պարսից գրականության միջազգային օրվան նվիրված գիտաժողով՝ «Իրանի գրական ժառանգությունը և Ֆիրդուսին» խորագրով:

Ս․թ․ մայիսի 8-ին, 12-ին, 13-ին և 14-ին՝ ժամը 10։00-ին, ԵՊՀ գիտական խորհրդի նիստերի դահլիճում կանցկացվի «Հաշվետու գիտաժողով-2025» գիտական միջոցառումը, որի հիմնական նպատակն է ամփոփել ԵՊՀ գիտական ստորաբաժանումների գործունեությունը, հնարավորություն ընձեռել ոլորտի առաջատար գիտնականներին և հետազոտողներին ներկայացնելու իրենց գիտական հետազոտությունների արդյունքները, գործունեության ուղղություններն ու տեսլականը:

Ս.թ. մայիսի 14-ին՝ ժամը 14:30-ին, ԵՊՀ Սարգիս և Մարի Իզմիրլյանների անվան գրադարանի հնատիպ, հազվագյուտ և արվեստի գրականության բաժնում (401 ընթերցասրահ) տեղի կունենա «Հոգվորթսի գրապահոցներում կամ աշխարհիկ գրադարանների շուրջ» խորագրով հանդիպում, որի բանախոսն է հեքիաթագետ, թարգմանիչ, լեզվաբան, բանասիրական գիտությունների դոկտոր, ԵՊՀ պրոֆեսոր Ալվարդ Ջիվանյանը:

Ս.թ. մայիսի 14-ին՝ ժամը 11:00-ին, ԵՊՀ հայ բանասիրության ֆակուլտետում Հայ նորագույն գրականության և քննադատության ամբիոնի նախաձեռնությամբ տեղի կունենա «Մաթևոսյանական ընթերցումներ-5» խորագրով հանրապետական գիտաժողովը՝ նվիրված գրողի ծննդյան 90-ամյակին: