Այս ծրագրի ավարտին ուսանողն ունակ կլինի․

1. Մասնագիտական գիտելիք և իմացություն
   1. թվարկել դաշտերի, օղակների, խմբերի, գծային հանրահաշիվների տեսության տարրերը, մատնանշել այդ ոլորտների արդիական խնդիրները,
   2. ներկայացնել հիմնական դասական ալգորիթմները, ազդանշանների մշակման հիմունքները,
   3. վերարտադրել եռանկյունաչափական և օրթոգոնալ շարքերի, ընդհանուր բանախյան տարածությունների բազիսների հատկությունները,
   4. վերարտադրել մոդելավորման ուղղվածությամբ ծրագրային համակարգերի կառուցման եղանակները, մաթեմատիկական ֆիզիկայի հավասարումների հիմնական խնդիրները,
   5. ներկայացնել պատահական երևույթներին համապատասխանող հավանականային մոդելներ, ներկայացնել արտադրական մոդելային խնդիրներ,
   6. բացատրել տեղեկատվական տեխնոլոգիաներին առնչվող մաթեմատիկական դրույթները։
2. Գործնական մասնագիտական կարողություններ
   1. կառուցել հանրահաշվական հանգունակներ, գործանակնում իրականացնել հանրահաշվական մի շարք ալգորիթմներ,
   2. կիրառել նորմալ օպերատորի սպեկտրալ վերլուծությունը, կիրառել ֆակտորիզացիոն եղանակները դիֆերենցիալ և ինտեգրալ հավասարումների լուծման համար, կիրառել հաշվման տարբեր մեթոդներ,
   3. կառուցել վեյվլետ բազիսներ և կիրառել դրանք ազդանշանների մշակման տեսությունում, ուսումնասիրել որոշ ֆունկցիաների Ֆուրիեի շարքերի զուգամիտությունը, իրականացնել Ֆուրիեի արագ ալգորիթմներ, կատարել մոտավորություններ կոմպլեքս տիրույթում,
   4. վերլուծել և կիրառել հավանականային մոդելներ, կիրառել մաթեմատիկական վիճակագրության մեթոդները տնտեսաչափության հարցերում, կատարել կանխագուշակումներ,
   5. կառուցել մաթեմատիկական մոդելներ տարբեր բնագավառներում առաջացող խնդիրների համար, հետազոտել և առաջարկել լուծումներ,
   6. կառուցել արդյունավետ ալգորիթմներ ծրագրավորման գործիքների օգնությամբ զանազան խնդիրներ լուծելու համար, օգտագործել ծրագրավորման փաթեթներ տեսական և կիրառական խնդիրների լուծման համար։
3. Ընդհանրական (փոխանցելի) կարողություններ
   1. մշակել, վերլուծել ստացված արդյունքները, պատրաստել զեկուցումներ ներկայացնելով հետազոտությունների արդյունքները, վարել գիտական բանավեճ,
   2. վերլուծել առկա խնդիրները և առաջարկել դրանց լուծման եղանակները, կիրառել ունեցած գիտելիքները բնագավառին վերաբերող և հարող խնդիրները լուծելիս,
   3. ընտրել հետազոտման անհրաժեշտ մեթոդներ և գոյություն ունեցող մեթոդները համապատասխանեցնելու կոնկրետ խնդրի հետազոտմանը, օգտվել գիտական հրատարակումներից և համակարգչային ցանցում առկա տվյալներից, հավաքելու մասնագիտացման ոլորտի տեղեկություններ։