Թյուրքագիտություն
Բակալավրի կրթական ծրագիր
Ծրագրի մասին
Արևելագիտության ֆակուլտետի թյուրքագիտության ամբիոնի բակալավրիատական կրթությունն իրականացվում է «Թյուրքագիտություն» կրթական ծրագրով:
Ընդունելության պահանջները
Արևելագիտության ֆակուլտետ ընդունվելու համար դիմորդը հանձնում է մրցութային երկու քննություն «Հայոց պատմություն» (գրավոր) և «Հայոց լեզու» (գրավոր) կամ «Օտար լեզու» (գրավոր) առարկաներից։
«Թյուրքագիտություն» կրթական ծրագրի ընդունելության վերաբերյալ տեղեկությունը տեղադրված է «Ընդունելություն» բաժնում:
Ծրագրի նպատակը
Ստանալով բարձրագույն մասնագիտական կրթություն՝ ուսանողները ձեռք են բերում անհրաժեշտ գիտելիքներ և գործնական հմտություններ՝ աշխատաշուկայում պահանջված ու մրցունակ մասնագետ լինելու համար: «Թյուրքագիտություն» կրթական ծրագրում ուսանողները սովորում են 4 տարի՝ ստանալով ինչպես ընդհանուր, այնպես էլ մասնագիտական ու նեղ մասնագիտական գիտելիքներ:
«Թյուրքագիտություն» կրթական ծրագրի շրջանակում ուսանողներն ուսումնասիրում են թուրքերենի և ադրբեջաներենի գրական, գիտական և խոսակցական բառապաշարի առանձնահատկությունները, ձեռք են բերում գրավոր և համաժամանակյա (հերթականությամբ) թարգմանության հմտություններ, ուսումնասիրում են թյուրքական ժողովուրդների ծագումնաբանության, պատմության, գրականության, ժամանակակից քաղաքական գործընթացների հիմնահարցերը։ Ուսումնառության ընթացքում ուսանողների մոտ ձևավորվում են վերլուծական կարողություններ Թուրքիայի և Ադրբեջանի (մասնավորապես Հարավկովկասյան և Մերձավորարևելյան) պատմության և արդի քաղաքականության հիմնահարցերը վերլուծելու առումով: Ադրբեջաներենի և ադրբեջանագիտական առարկաների դասավանդման գծով ֆակուլտետն ունի մենաշնորհային դիրք։
Առավելությունները
Արևելագիտության ֆակուլտետի «Թյուրքագիտություն» կրթական ծրագիրը հանրապետության թյուրքագիտական դպրոցի ամենապահանջված կրթական ծրագիրն է: Այն բաղկացած է ընդհանուր, մասնագիտական պարտադիր և կամընտրական դասընթացներից: Մասնագիտական պարտադիր և կամընտրական դասընթացների բովանդակությունը վերաբերում է տարածաշրջանային արդի հիմնախնդիրների վերլուծության, թյուրքագիտության, լեզվաբանության և մշակութաբանության հիմնահարցերին:
Կարիերայի հնարավորությունները
Շրջանավարտները կարող են իրենց մասնագիտական գիտելիքները կիրառել և´ պետական, և´ մասնավոր բնագավառներում: Մասնավորապես` ՀՀ նախագահի աշխատակազմում, ՀՀ արտաքին գործերի, պաշտպանության, ԿԳՄՍ նախարարություններում, ՀՀ ազգային անվտանգության ծառայությունում, գիտական, վերլուծական ոլորտներում, հեռուստառադիոընկերություններում, տուրիզմի, բիզնեսի ոլորտում: Շրջանավարտների մի մասը հնարավորություն ունի գիտակրթական գործունեություն ծավալելու ՀՀ այնպիսի կարևոր գիտական կենտրոններում, ինչպիսիք են ՀՀ գիտությունների ազգային ակադեմիան, Մ. Մաշտոցի անվան Մատենադարանը, Երևանի պետական համալսարանը և այլ պետական ու մասնավոր բուհեր, գիտահետազոտական ինստիտուտներ:
Հետադարձ կապ
Դեկան` պ.գ.դ., պրոֆեսոր Ռուբեն Մելքոնյան
Դեկանատ`
Հեռ.՝ (+374 60) 710 573, (+374 60) 710 574, (ներքին՝ 55-73, 55-74)
Էլհասցե՝ orient@ysu.am
