Ընդհանուր հոգեբանության ամբիոն

Ընդհանուր հոգեբանության ամբիոնը հիմնադրվել է 2005 թ․։

Այն համագործակցում է մի շարք համալսարանների հետ՝ Ավինյոնի (Ֆրանսիա), Սանկտ Պետերբուրգի, Բելգրադի, Ռուսաստանի ժողովուրդների բարեկամության, Ուդմուրտիայի, Մոսկվայի, Վոլգոգրադի, Յարոսլավլի, Սամարայի, Սարատովի, Թբիլիսիի պետական համալսարանների հետ:

Ամբիոնում աշխատում են առաջատար մասնագետներ, որոնք  ներգրավված են միջազգային և տեղական դրամաշնորհային ծրագրերում, հեղինակ են ուսումնամեթոդական ձեռնարկների, մենագրությունների, գիտական հոդվածների, որոնք տպագրվում են բարձր ազդեցության գործակից ունեցող պարբերականներում։ Պրոֆեսորադասախոսական կազմի ներկայացուցիչները պարբերաբար մասնակցում են միջազգային խոշոր գիտաժողովների, որոնք անցկացվում են Ռուսաստանում, ԱՄՆ-ում, Ֆրանսիայում, Գերմանիայում, Իտալիայում, Լեհաստանում և այլն։

Ամբիոնին կից գործում է Հոգեբանության գիտահետազոտական կենտրոնը: Ընդհանուր հոգեբանության ամբիոնի և Հոգեբանության գիտահետազոտական կենտրոնի նախաձեռնությամբ 2007 թվականից կազմակերպվում է «Տեսական և կիրառական հոգեբանության արդի հիմնախնդիրները» խորագրով միջազգային գիտաժողովը, որին մշտապես ակտիվորեն մասնակցում են 10-ից ավելի առաջատար համալսարանների ճանաչված գիտնական-հոգեբաններ:

Օտարերկրյա գիտնականների մասնակցությամբ կազմակերպվում են մի շարք այլ գիտական և ուսումնամեթոդական միջոցառումներ՝ «Հոգեբանական վերնիսաժ» էքսպո, մարդկային ռեսուրսների կառավարմանը (HR) առնչվող դասընթացներ, կիրառական հոգեբանության տարբեր հիմնահարցերին նվիրված աշխատաժողովներ:

Ընդհանուր հոգեբանության ամբիոնի առաջարկած կրթական ծրագրերին հնարավոր է ծանոթանալ «Կրթական ծրագրեր» ենթաբաժնում։