Գործարար վարչարարություն (կառավարում)

Ուսման տևողությունը առկա ուսուցման համակարգում՝ 1,5 տարի։

Շնորհվող որակավորումը՝ կառավարման մագիստրոս։

Ընդունելության պահանջները

ԵՊՀ մագիստրատուրայի 2024/2025 ուսումնական տարվա առկա և հեռակա ուսուցման ձևերով ընդունելությունը կատարվելու է՝ համաձայն «ԵՊՀ մագիստրատուրայի (առկա և հեռակա ուսուցման ձևերով) ընդունելության կարգ»-ի պահանջների:

Մանրամասները՝ «Ընդունելություն» բաժնում:

Ծրագրի նպատակը

«Գործարար վարչարարություն (կառավարում)» մագիստրոսական ծրագրի նպատակն է պատրաստել բիզնեսի ոլորտի նեղ ֆունկցիոնալ կառավարիչների, որոնք ISO 9001 միջազգային չափանիշներին համապատասխան կարող են բացահայտել կազմակերպության գործունեության ուղղություններին, գործարար գործընթացներին, բիզնես համակարգերին, անձնակազմին, երրորդ անձանց, կազմակերպության հսկողությունից դուրս գտնվող անբարենպաստ արտաքին իրավիճակներին ուղեկցող ռիսկերը և քայլեր ձեռնարկել դրանց նվազեցման ուղղությամբ, մշակել ռիսկերի կառավարման համակարգ կազմակերպության ֆինանսական կայունության ամրապնդման նպատակով, մշակել և ներդնել վերահսկման համակարգ կազմակերպություններում, ներդնել կորպորատիվ կառավարման, արդյունավետ հաղորդակցման, անձնակազմի խթանման և գնահատման մեթոդաբանություն, կիրառել գործնական հմտություններ գնահատելու կառավարչական որոշումների արդյունավետությունն ու արդյունքայնությունը տեղեկատվության՝ որոշակիության և անորոշության պայմաններում, ախտորոշել և գնահատել կազմակերպությունների անվճարունակությունը՝ գործարկելով վարկանշման մեթոդաբանություն:

Առավելությունները

Ծրագրի ավարտին մագիստրանտը ունակ կլինի կազմակերպություններում ներդնելու ISO 9001:2015 միջազգային չափանիշներին համապատասխան  որակի և ռիսկերի կառավարման համակարգերի ձևավորման պահանջները և տեխնոլոգիան, իրականացնելու կազմակերպությունների գործարար գործընթացների վերլուծությունը, վերակազմակերպումը և համակարգումը, ախտորոշելու և գնահատելու կազմակերպությունների անվճարունակությունը՝ իրականացնելով վարկանշման մեթոդաբանություն, իրականացնել ոչ լրիվ տեղեկատվության առկայության պայմաններում որոշումների ընդունում և կանխատեսումներ, համակարգորեն վերլուծելու և գնահատելու կազմակերպական միջավայրում՝ բացարձակապես աշխատանքային հանգամանքներում իր և գործընկերների վարքագիծը, կիրառելու անձնակազմի խթանման և գնահատման գործիքակազմ և բացահայտելու առաջնորդին բնորոշ գծերն իրավիճակներին համապատասխան:

Կարիերայի հնարավորությունները

Ծրագրի շրջանավարտներն աշխատում են որպես տարբեր ոլորտների կազմակերպությունների ղեկավարներ, նախագծերի, անձնակազմի, ֆինանսական, լոգիստիկայի, ռիսկերի կառավարման մասնագետներ, բիզնես խորհրդատուներ (բիզնես խնդիրների բացահայտում և լուծման ուղիների մշակում, որակի կառավարման համակարգի մշակում և ներդրում, կազմակերպությունների վարկանշում)։