Ռադիոֆիզիկա

Ծրագրի նպատակը

• պատրաստել ռադիոֆիզիկայի բնագավառում արդի գիտության նվաճումները յուրացրած որակյալ կադրեր՝ ունակ ըմբռնելու դրանց զարգացման հեռանկարները,
• տալ իմացություն միկրոալիքային և ՏՀց տիրույթում ֆիզիկական խնդիրների համակարգչային մեդելավորման և նախագծման սկզբունքների և դրանց առանձնահատկությունների վերաբերյալ։

Կրթական վերջնարդյունքները

1. Այս ծրագրի ավարտին ուսանողն ունակ կլինի.

• տարբերակել և համակարգել ԳԲՀ տիրույթի հիմնական հաճախային տիրույթներն, ստանդարտները և դրանց նշանակությունը քաղաքացիական և ռազմական նպատակերի տեսանկյունից,
• ձևակերպել ենթամիլիմետրային, տերահերցային և օպտիկական տիրույթներում էլեկտրամագնիսական ալիքների գեներացման, տարածման և դետեկտման առանձնահատկությունները, հիմնախնդիրները։
• բացատրել տարբեր նյութերի կողմից ռադիոալիքների կլանման և ճառագայթման մեխանիզմները և առանձնահատկությունները, ռադիոտիրույթի աղբյուրների (գեներատորներ, Ճառագայթիչ անտենաներ, ռեզոնատորներ և այլն), և ընդունիչների (դիոդներ, ընդունիչ անտենաներ, ալիքատարներ և այլն) գործողության սկզբունքները, տարբեր ալիքի երկարության մազերների և ֆոտոընդունիչների աշխատանքի սկզբունքը և առանձնահատկությունները,
• ներկայացնել կապի ժամանակակից համակարգերում օգտագործվող և նախատեսվող պրոտոկոլները և ալգորիթմները,
• դասակարգել ինֆորմացիայի մշակման և հաղորդման տեսական հիմունքները, կոդավորման և մոդուլման եղանակները:
• աշխատել ռադիոհաճախային տիրույթում հեռազննումն ու հեռակառավարումն իրականացնող սարքերի հետ գիտենալով դրանց գործողության սկզբունքները,
• կիրառել գիտության և տեխնիկայի տարբեր բնագավառներում էլեկտրամագնիսական ալիքների տերահերցային տիրույթում գործող սարքերը, գիտանալով դրանց աշխատանքն ապահովող ֆիզիկական սկզբունքները,
• աշխատել գիտության, արտադրության, անվտանգության ու ռազմական ոլորտներում կիրառվող ժամակակից ռադիոֆիզիկական սարքերի հետ,
• գործարկել ռադիոֆիզիկական խնդիրների համակարգչային նմանակման ժամանակակից համակարգչային ծրագրերը,
• կիրառել համակարգչային մոդելավորման և նմանակման ծրագրային փաթեթները ԳԲՀ տիրույթի սարքերի արդիական հանգույցների (ալիքատարներ, ռեզոնատորներ, ֆիլտրեր և այլն) նախագծման և պահանջվող պարամետրերի ապահովման հարցերում,
• իրականացնել նախագծային սարքերում փոխհամաձայնության և համատեղելիության գնահատում,
• գտագործել էլեկտրամագնիսական ալիքների տարածման առանձնահատկությունները ռադիո տիրույթում,բարելավել ռադիոընդունիչների, ճառագայթիչների հիմնական պարամետրերը հեռազննման և հեռակառավարման համակարգերի առանձին հանգույցներում:

Կրթությունը շարունակելու հնարավորությունները

Շրջանավրտները հնարավորություն ունեն շարունակելու կրթությունը ինչպես նույն ֆակուլտետի
ասպիրանտուրայում, այնպես էլ այլ բուհերի և գիտահետազոտական ինստիտուտների ասպիրանտուրաներում։

Շրջանավարտների ապագա կարիերայի հնարավորությունները․

• ՀՀ ԳԱԱ ռադիոֆիզիկայի և  էլեկտրոնիկայի ինստիտուտ
• «Նեյշնլ Ինսթրումենթս» ՓԲԸ-ի հայկական մասնաճյուղ
• Ինստիգեյթ ՓԲԸ
• Բջջային կապի օպերատորներ («ՄՏՍ Հայաստան», Տելեկոմ Արմենիա, UCOM)
• «ՎԵԲ» ՍՊԸ
• Սինոփսիս Արմենիա ընկերություն
• ՀՀ Պաշտպանության նախարարություն
• Շիրակ տեքնոլոջի ընկերություն
• ՓՈՒԼ ՍՊԸ