Դիսկրետ մաթեմատիկա և տեսական ինֆորմատիկա

Ծրագիրն ընդգրկում է ընդհանուր և մասնագիտական դասընթացներ (պարտադիր և կամընտրական):

Ընդունելութան պահանջները

Ընդունելության քննությունն անցկացվում է բանավոր: Հարցաշարը տեղադրված է «Ընդունելություն» բաժնում:

Ծրագրի նպատակը

Ծրագրի նպատակն է նախապատրաստել ՏՏ, ռազմարդյունաբերական ոլորտներում, ակադեմիական հետազոտական հաստատություններում, նաև տնտեսության այլ բնագավառներում դիսկրետ մաթեմատիկայի և տեսական ինֆորմատիկայի մեթոդների կիրառմանը և ներդրմանը կողմնորոշված հմուտ մասնագետներ:

Առավելությունները

Ծրագրի հաջող ավարտին շրջանավարտը ունակ կլինի ղեկավարող սարքերի համար կառուցելու ստուգող և դիագնոստիկ թեստեր, հիմնական մեթոդների և ալգորիթմների կիրառմամբ լուծելու ծրագրավորման խնդիրներ մշակելու կիրառական խնդիրների լուծման մեթոդներ, ստեղծելու դիսկրետ օպտիմացիայի խնդիրների լուծման արդյունավետ ալգորիթմներ:

Պրակտիկան նախատեսվում է անցկացնել տեղեկատվական տեխնոլոգիաների ոլորտի առաջատար ընկերություններում` «Հայկական  ծրագրեր», «Սինոփսիս» և այլն, ՀՀ ԳԱԱ ինֆորմատիկայի և ավտոմատացման պրոբլեմների ինստիտուտում, բանկային համակարգում։

Կարիերայի հնարավորությունները

Ծրագիրը հաջողությամբ ավարտած մագիստրոսները կարող են ուսումը շարունակել ասպիրանտուրայում: