Ընդհանուր տվյալներ
Ներկայում արդիական է անլար սարքերի լայն կիրառումը տարբեր ծրագրերի համար՝ տվյալների ցանցերից մինչև անլար սենսորներ։ Անլար սարքերը գտնելու և բնութագրելու համար անհրաժեշտ է հետազոտել շրջակա միջավայրը։ Սա դառնում է ռադիոհաճախային շղթայի հատկությունները որոշելու խնդիր․ երբ երկչափ ազդանշանը փոխանցվում է ռադիոհաճախային սարքին, նրա վրա ազդում են ոչ գծային շղթայի բաղադրիչները՝ ուժեղացուցիչները և դիոդները։
Ոչ գծային բաղադրիչները առաջացնում են միջմոդուլյացիայի աղավաղում մուտքային ազդանշանի վրա, որը վերաճառագայթվում է սարքի կողմից։ Միջմոդուլյացիայի աղավաղման արդյունքի առանձնահատկությունները կիրառվում են սարքի մատնահետքը կառուցելու համար։ Այնուհետև մատնահետքն օգտագործվում է սարքը բնութագրելու համար, որպեսզի այն հնարավոր լինի նույնականացնել ռադիոհաճախային այլ սարքերից։
