Բարձր արդյունավետությամբ կենսաազդանշաններ գրանցող տվիչների նախագծում

Հետազոտության շրջանակում նախատեսվում է կատարել ունակային և ինդուկտիվ տվիչների մշակում, որոնք կգրանցեն մարդու գլխուղեղում բարձր հաճախային ազդանշանները։ Տվիչների աշխատանքի հիմքում ընկած կլինի էլեկտրական և մագնիսական դաշտերի փոփոխության գրանցման ունակությունը։ Նախատեսվում է մշակված տվիչներով գրանցված ազդանշանների բազմակողմանի վերլուծություն, ինչը հնարավորություն կտա կատարելու որոշակի պաթոլոգիաների վերլուծություն։ 

Աշխատանքի արդյունքները կարող են նպաստել մարդու գլխուղեղում տեղի ունեցող արագ գործընթացները բացահայտելուն, ինչպես նաև հասկանալու դրանց կապը օրգանիզմում տեղի ունեցող այլ գործընթացների հետ։ Հետևաբար, արդյունքները կարող են նպաստել նոր ախտորոշման գործիքակազմի մշակմանը։