Ընդհանուր տվյալներ
Աշխարհաքաղաքական փոփոխություններն իրենց ուղղակի ազդեցությունն են թողնում տարածաշրջանի երկրների հետ ՀՀ արտաքին տնտեսական հարաբերությունների զարգացման վրա, ինչի արդյունքում առաջ են գալիս մի շարք տնտեսական ռիսկեր: Ավելին, տարածաշրջանային զարգացումների համատեքստում առաջ եկող տնտեսական ռիսկերի առումով ՀՀ տնտեսությունը շատ ավելի զգայուն է, քանի որ ունի տրանսպորտային ուղիների ապաշրջափակման, օտարերկրա կապիտալի էքսպանսիայի, կուտակված մարդկային կապիտալի փոշիացման, կայուն զարգացման և տնտեսական ինքնավարության կորստի ռիսկեր: Հետևաբար, կարևորվում է ՀՀ տնտեսական ռիսկերի կառավարման կառուցակարգի կատարելագործումը տարածաշրջանային զարգացումների համատեքստում:
Ծրագրի իրականացման առանցքային վերջնարդյունքում նախատեսվում է կառավարման այնպիսի մոդելի մշակում, որը հնարավորություն կստեղծի շահառուներին ճկուն կառավարչական որոշումներ կայացնելու երկրի տնտեսության անվտանգային համակարգում և մեղմելու տարածաշրջանային զարգացումներին առնչվող ներքին և արտաքին ռիսկերը:
Օտարերկրյա գործընկեր
Թոմաս Պոնսե Դենտինո - տնտեսագիտության դոկտոր, Ազորեի համալսարան, Պորտուգալիա
