Ընդհանուր տվյալներ
Վերջին տարիներին նանոմասնիկները (ՆՄ) օգտագործվում են տարբեր կլինիկական կիրառումների համար, այդ թվում՝ որպես քաղցկեղի թերապիայի դեղերի կրիչներ: Այս աշխատանքի նպատակն է ուսումնասիրել մետաղական օքսիդ-նանոմասնիկների՝ ZnO-ի, CuO-ի, Al2O3-ի փոխազդեցությունը արյան տրանսպորտային սպիտակուցի՝ մարդու շիճուկային ալբումինի (ՄՇԱ), ինչպես նաև արյան ԴՆԹ-ի հետ նորմայում և պաթոլոգիայում: Կուսումնասիրվեն նաև բջջային թաղանթներով ՆՄ-ների տեղափոխման առանձնահատկությունները: Բոլոր հետազոտությունները կանցկացվեն միջավայրի տարբեր պայմաններում (pH, իոնային ուժ, ուլտրամանուշակագույն (ՈւՄ) ճառագայթում): Նախատեսվում է կատարել ՆՄ-ՄՇԱ և ՆՄ-ԴՆԹ կոմպլեքսագոյացման կառուցվածքային և թերմոդինամիկական հետազոտություններ: Կապման պարամետրերը (Kb և n) կորոշվեն՝ օգտագործելով սպեկտրոֆոտոմետրիկ և ֆլուորեսցենտային կլանման սպեկտրները: Թերմոդինամիկական պարամետրերի որոշումը ՆՄ-ՄՇԱ և ՆՄ-ԴՆԹ կոմպլեքսագոյացման դեպքում նախատեսվում է իրականացնել կալորիմետրիկ չափումների միջոցով: ՆՊ-ների և ՈւՄ ճառագայթման L18:L19 ազդեցության տակ քաղցկեղով հիվանդների արյան մեջ ԴՆԹ-ի վնասվածքների աստիճանը կգնահատվի էլեկտրոֆորեզի մեթոդով: Ստացված արդյունքները հնարավորություն կտան հետագայում կատարելագործել ուսումնասիրվող կենսաբանական ակտիվ ՆՄ-ները, որոնք կարող են օգտագործվել հիվանդությունների բուժման մեջ և որոշել դրանց ազդեցության օպտիմալ պայմանները:
Օտարերկրյա գործընկեր
Բադասյան Արտյոմ Վ., դոկտոր, Նովա Գորիցայի համալսարան (Սլովենիա)
